"ليه جينا الأرض".. ساندي تثير الجدل بسؤال في منشورها الأخير
أثارت الفنانة ساندي الجدل بعدما طرحت سؤالًا للتفكير في أحدث منشوراتها، وذلك عبر حسابها الرسمي على موقع تبادل الصور والفيديوهات إنستجرام.
ساندي تثير الجدل بسؤال مطروح
وقالت ساندي في منشورها: “ تفتكروا ليه جينا الأرض و ايه سبب اختلاق المشاعر من لحظة و التانية؟، احنا جينا الأرض أو العالم المادي عشان نتزكي يعني نتطور و نعيش جميع الاسماء أي المشاعر، وعلم ادم الأسماء كلها، طب ليه ول ايه ؟!، تخيلو كده لو احنا مجرد طاقة يعني مثلا لو البنزين موجود بس مفيش عربيات هيعرف ازاي قيمته، هي الفكره بس اننا نعلي القيمة الذاتية و نستمتع بالمتاح و نستخدمه للتزكي مش نقف و نندب حظنا، في الڤيديوهين دول فرق وعي أنا هو هو نفس الجسد بس مش نفس الوعي هناك كنت وعي الضحية شخص شايف أنه اتأذي من ناس ما عملش معاهم غير كل خير، و لكن الحقيقة اني نفسي اختارت الاختبار ده أني اتأذي عشان اتعلم و اوقف pattern اختياري الخطأ، وابقي شخص واعي قوي قادر علي تغيير مساره، مفيش حاجة اسمها مكتوبلي في حاجة اسمها مقادير للقدر يعني بتعمل ايه أدي إلي ايه !، مش صح ولا ايه ؟”
ساندي تتعرض إلي وعكة صحية
في سياق منفصل، قد نشرت الفنانة ساندي فيديو لها عبر خاصية الاستوري على موقع تبادل الصور والفيديوهات إنستجرام تطمئن فيه جمهورها وذلك بعد تعرضها لوعكة صحية خلال الساعات القليلة الماضية، وقالت ساندي من خلال الفيديو: "كبرتوا الموضوع يا جماعة انا كويسة الحمدلله عملت بس عملية فى مناخيري عشان مكنتش بعرف أتنفس كويس وأنا دلوقتي أفضل الحمدلله وشكرا على سؤالكم كلكم".
تجربة ساندي في فيلم تاج
وفي مقابلة حصرية مع قناة عمان TV، تحدثت الفنانة ساندي عن تجربتها الفنية، خاصةً فيما يتعلق بفيلمها "تاج" الذي جمعها بالنجم تامر حسني، وأعربت عن رأيها الصريح حول تأثير هذا العمل على مسيرتها الفنية.
وقالت ساندي: “عملت فيلم تاج مع تامر حسني، بس الفيلم ماخدش حظه أوي.. ويمكن نجح بس ما ضفليش حاجة”، موضحة أن النجاح التجاري وحده لا يكفي، مشيرة إلى أن فيلمها الآخر "خطة چيمي" حقق نجاحًا غير عادي وكان له تأثير أكبر في مسيرتها الفنية.
