متعمليش بتحبيها أوي كده.. شقيق شيرين عبدالوهاب يهاجم بسمة وهبة
أثار شقيق المطربة شيرين عبدالوهاب الجدل حول علاقة شقيقته بالإعلامية بسمة وهبة، وذلك من خلال منشور عبر حسابه الرسمي على موقع التواصل الإجتماعي فيسبوك.
شقيق شيرين عبدالوهاب يهاجم بسمة وهبة
وقال شقيق شيرين عبدالوهاب: “الاستاذة بسمة وهبة، ياريت حضرتك متعمليش بتحبيها اوى كده دانتي جيبتي طليقها مخصوص في رمضان عشان تقطعو فيها ولما البرنامج اتوقف كنتي بتطلعي لايف من انستجرام وتتصلي بيه وبردو تقطعه فيها، مش عيب علي إعلامية كبيرة ومخضرمة زي حضرتك، لما واحد زي ده يقولك أنا عاليت سعر شيرين بره مصر وانتي تعديها عادي وهو ابعد حفلة عملها في بورتو المنيا، يعني شيرين اللي وقفت على أكبر مسارح الوطن العربي قرطاج وجرش وهلا فبراير وليالي دبي وسوق واقف و اوبرا عمان ولفت معظم اوروبا وامريكا قبل ما تشوف وشه اصلا، كان من باب المهنية تسأليه سوال واحد جبت الخبرة دي منين عشان واحد زيك يعلي سعر أكبر مطربة في الوطن العربي يا استاذة ده مركبش طيارة غير مع شيرين عيب والله”.
حالة شيرين عبدالوهاب الصحية
في سياق متصل، قد كشف محمد عبد الوهاب، شقيق الفنانة شيرين عبدالوهاب، تفاصيل حالتها الصحية، واصفًا بأن حالتها “تصعب على الكافر”، وتحتاج للهدوء، كما طالب الصحافة والإعلام ونقيب المهن التمثيلية والموسيقية أن لا يتحدثوا عنها.
وكتب شقيق شيرين عبدالوهاب عبر حسابه بموقع التواصل الإجتماعي فيسبوك: “الأستاذ نقيب الموسيقيين والأستاذ نقيب الممثلين هو ليه حضرتكم مبتظهروش في الصورة غير لما يكون في حاجة يعني ليه مش بتسألوا عليها في الأيام العادية طالما أمرها يهمكم أوي كده خلاص بقى كفاية متاجرة ارحموها بقى والسادة الصحفيين والمعدين والإعلاميين محدش يكلمني”.
وأضاف شقيق شيرين عبدالوهاب: “أنا مش هعمل أي حوار وأي مداخلة ولا أي شيء انتو بردو ناس كلكم عايزين رتش وترند فقط ليه محدش فيكم بيكتب لها والدنيا هادية كلام حلو بدون ما يكون في أزمة أو مشكلة كفاية بقى الله يخليكم والله حالتها تصعب علي الكافر ومحتاجة هدوء عشان تعرف تتعافي أخباركم وكلامكم والله بيأثر عليها”.
