عمرو الكحكي يوجه نصيح لحسام حسن بعد خسارة المنتخب.. خطة لكأس العالم
علق الإعلامي عمرو الكحكي، على خسارة منتخب مصر أمام السنغال في مواجهة نصف نهائي أمم إفريقية، موجها نصيحة للكابتن حسام حسن.
ونشر الكحكي منشورة له عبر فيسبوك قال فيه: الصورة دي ليها حكايه مرتبطة بماتش النهارده مع السنغال وشكلنا في كأس العالم القادم.
رجل الأعمال المصري المقيم في بريطانيا أحمد المقدم جاب بوبي روبسون المدير الفني لانجلترا اللي كانت في مجموعتنا بكاس العالم ١٩٩٠ يزور مصر وراح النادي الأهلي. انا كنت باغطي الاهلي لصالح اخبار الرياضه. وحاورت روبسون وكلمته في اداء المنتخب المصري قبل كاس العالم. قال لي كلمه: لوفضلت تخبط على كوب زجاجي سينكسر حتما. يعني الدفاع المستمر سينهار حتما وهو ما حدث اليوم امام خصم تعلم من خسارة كوت ديڤوار بالتحولات. وبالتالي كنت اتمنى لو اننا قسمنا المباراه وقت للدفاع ووقت نضغط فيه المنافس. مش ٨٠ دقيقه دفاع.
وتابع الإعلامي عمرو الكحكي طيب: أنا حزين على الخروج، لكن المؤكد أن منتخب مصر اللي راح المغرب واحنا فاقدين فيه الأمل قدر يرجع يجمعنا حواليه وادانا أمل.
المهم دلوقتي: هل هو ده شكل الكورة اللي هنلعبها في كأس العالم؟ لو ده هنودع من المجموعات برضه. لازم نؤمن أن الدفاع المستميت ممكن تتخطف فيه بواحده زي بتاعة مانيه.
واختتم الكحكي حديثه قائلا: لازم تحسس المنافس انه بيلاعب فرقه مش جثث أمام منطقة الحزاء، انا باتكلم على اللي جاي، مش بابكي على اللبن المسكوب، يا ريت حد يوصل الكلام ده للكابتن حسام حسن.
