شقيق هشام ماجد: حلمي أصبح حقيقة مع أول عرض خاص لفيلمي الجديد
أعرب الفنان محمود ماجد شقيق الفنان هشام ماجد عن سعادته الكبيرة بأول بطولة له في فيلم ده صوت إيه ده، حيث نشر صورة له من العرض الخاص الذي أُقيم مساء أمس عبر حسابه الرسمي على موقع تبادل الصور والفيديوهات إنستجرام.
محمود ماجد في العرض الخاص لـ فيلم ده صوت إيه ده
وقال محمود ماجد في منشوره: “امبارح كان يوم تاريخي في حياتي، أول عرض خاص لفيلم ليا ده صوت إيه ده، حلم حلمته من زمان أوي و دلوقتي بدأ يتحقق، عايز أشكر كل الناس الجميلة اللي حضرت من نجوم و صناع والسادة الصحفيين والإعلاميين كلهم، شكراً لاهتمامكم و للتغطية الرائعة دي، انتوا فعلاً ناس جميلة، حابب كمان أشكر طاقم عمل الفيلم كله على المجهود الخرافي و على حبهم الحقيقي للفن، اتشرفت اني اشتغلت مع كل فرد فيكوا، وطبعاً عايز أشكر عائلتي كلها و أصحابي اللي نوروني و كانوا في ضهري. بحبكم كلكم و ربنا ما يحرمني منكم، الفيلم أخيراً نزل على يوتيوب تقدروا تشوفوه دلوقتي، و مستني رأي واحد واحد فيكوا”.
العرض الخاص لـ فيلم ده صوت إيه ده؟
وفي سياق منفصل، انطلق مساء الأمس العرض الخاص لـ فيلم ده صوت إيه ده؟ بحضور صناع العمل و أبطاله، وذلك في بإحدى سينمات مدينة 6 أكتوبر.
وشهد العرض الخاص حضورمميز لكوكبة من نجوم الفن في مقدمتهم الفنان أشرف عبدالباقي وابنته زينة، ومحمود ماجد، وحسن أبو الروس ومصطفى غريب، ومخرج الفيلم محمد ربيع، كما حرص الفنان هشام ماجد على دعم شقيقه محمود ماجد وتواجد للاحتفال معه بالعرض الخاص للفيلم.
هشام ماجد يساند شقيقه
يُذكر أن الفنان هشام ماجد، كان قد حرص على مؤازرة شقيقه محمود ماجد مؤخرًا، حيث نشر عبر فيسبوك، البرومو الرسمي لفيلم ده صوت إيه ده، وكتب : "انتظروا رحلة غنائية غريبة وممتعة .. فيلم ده صوت إيه ده يوم 13 يناير على قناة إنه علي يوتيوب".
وتضمن البرومو ظهور أشرف عبدالباقي في دور كاهن، بينما ظهر إيهاب عبدالواحد بشخصيته الحقيقية كملحن، وتدور أحداث الفيلم في إطار موسيقي كوميدي.
