لبلبة: النجاح عمره ماخلاني اتغر.. وكان دايما جوايا خوف |فيديو

تحدثت الفنانة لبلبة عن الجمهور وعلاقتها معه، وكيف ابتعدت عن الغرور رغم نجاحها الكبير.

وقالت لبلبة في لقاء تلفزيوني على قناة LBC: “الجمهور بيحبك ومش عاوز منك حاجة وبيحبك لله في الله، فإزاي تكون مغرور وما تضحكش في وش كل الناس”.

وأضافت لبلبة: “النجاح عمره ما خلاني اتغر أو أحس بالغرور، مرة سمعت والدي ووالدتي بيقولوا ممكن لما تكبر الجمهور ما يحبهاش زي دلوقتي، لما سمعت كلامهم زعلت جدًا، وروحت قعدت معاهم وقلت لهم الجمهور يهفضل يحبني وهفضل اغني لجمهوري وأمثل لحد ما أكبر”.

وتابعت لبلبة: “أمي كانت بتختار لي كل شغلي والأغاني اللي بغنيها وأفلامي  أنا كنت بغني وأرقص فقط، ولا حتى الفلوس كنت بمسكها في إيدي، كان هدفي كله أخلي الجمهور ينبسط”.

وأردفت: “كان دايمًا فيه خوف جوايا، إزاي اتغر، خو من بكره، وأقول اوعى يا رب يجي اليوم الناس ما تسقفليش، وأمي كانت تقولي شفتي المطرب أو الممثل اللي مبقاش جحد يجيبهم علشان مغرورين ،أنا على طول بعمل حساب الجمهور ويكون راضي عني".

وأشارت لبلبة إلى أنها بدأت مشوارها في التمثيل من خلال فيلم حبيبتي سوسو حيث اكتشفها المخرج نيازي مصطفى، مضيفة: “قال لي انتي طالعة رغاية علشان كده سماني لبلبة”.