مراد مكرم يعلن رحيله عن CBC بعد سنوات من التعاون: «كانت بيتي التاني»
أعلن الفنان مراد مكرم انتهاء تعاقده مع شبكة قنوات CBC، موجهًا احترامه وشكره كافة العاملين بها، ومعلما خطوة جديدة في مسيرته.
وكتب مكرم في منشور عبر حسابه الشخصي بموقع التواصل الاجتماعي فيسبوك: «بعد سنوات من العمل، أعلن اليوم عن انتهاء تعاقدي مع شبكة قنوات CBC».
وتابع: «الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني».
وأشار: «من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بنقدمه للناس لازم يكون نابع من ضمير حقيقي ومسؤولية».
وأضاف: «بحب أشكر كل حد اشتغلت معاه، قدام الكاميرا ووراها، من إدارة، إعداد، إخراج، فريق إنتاج، زملاء ومذيعين.. كل شخص ساهم في تجربة عمر، وكل شخص علمني حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل».
واختتم: «أغلق صفحة مهمة في حياتي المهنية، وأنا ممتن لكل لحظة فيها، ومتطمن إن اللي جاي مكمل على اللي فات، بخبرة أكبر وقلب هادي ونية صادقة».
