هدير عبدالناصر تكشف لنيوز رووم عن شخصيتها في مسلسل الست موناليزا
كشفت الفنانة هدير عبدالناصر عن تعاقدها على مسلسل الست موناليزا منذ أيام، وكشفت للمرة الاولى عن تفاصيل شخصيتها في تصريحات خاصة لـ موقع نيوز رووم.
شخصية هدير عبدالناصر في مسلسل الست موناليزا
حيث قالت هدير عبدالناصر في تصريحاتها: “أنا بجسد شخصية ولاء، وتبقى موناليزا اللي هي مي عمر بنت خالي، أحنا الاتنين في مقام الاخوات متربين سوا وفي بيت واحد ومختلفة خالص عن مروة ولؤلؤ، وطالعة بلوك مختلف تمامًا مش عايزة أحرق الأحداث، وهي كمان ولاء المفروض مخطوبة”.
وأعربت هدير عبدالناصر عن سعادتها بالمشاركة في مسلسل الست موناليزا، حيث قالت: “أنا مبسوطة بالتعاون للمرة التالتة مع مي القمر، الشغل ما بينا بيكون حلو ومختلف، وأنا بحب الكواليس بتاعتنا”.
القائمة الكاملة لأبطال مسلسل الست موناليزا
وتضم القائمة الكاملة لأبطال مسلسل الست موناليزا، كل من، مي عمر، سوسن بدر، شيماء سيف، إنجي المقدم، وفاء عامر، سماء إبراهيم، أحمد مجدي، محمد محمود، مريم الجندي، وجوري بكر، والمسلسل تأليف محمد سيد بشير، إخراج محمد علي، والعرض على قنوات MBC.
هدير عبدالناصر توجه رسالة إلي الفتيات
في سياق منفصل، قد وجهت الفنانة هدير عبدالناصر رسالة دعم وتشجيع إلي الفتيات ليتقبلوا شكلهن كما هو ويكونوا واثقات من أنفسهن، وذلك من خلال منشور عبر حسابها الرسمي على موقع تبادل الصور والفيديوهات إنستجرام.
حيث نشرت هدير عبدالناصر صورة لها بدون ميكاب أو فلتر، وعلقت قائلة: “بعد ما عملت فيديو وش تاني اللي موجود دلوقتي علي انستجرام ( لو لسه متفرجتوش عليه )، بنتكلم في عن الفلاتر و عمليات التجميل اللي ممكن بنات في سن صغير وبشرتها مش محتاجة حاجة بس بتعملها عشان بتدور علي perfect beauty، لأنها ممكن تكون متأثرة ب صورة معينة للجمال بتشوفها علي social Media، حبيت وبكل أريحيه اتصور من غير أي filter ولا ميك اب يداري سوء حالة بشرتي اللي بعتني بيها فترات وبتتبهدل مني فترات، ف دي صورة وبشرتي في اسوأ حالاتها ( وأهو زي القمر )، وهتصور صورة تانية لما بشرتي تكون في أفضل حالاتها، حبيت بس اقولك اعملي كل اللي يبسطك ويريحك، لكن متعمليش اللي يضغطك ويخليكي مش علي طبيعتك، انتي حلوه زي ما انتِ”.
