مش فاضيلك.. تعليق ياسر سامي على تصريحات صلاح الجهيني عن فيلم المطاريد
خرج المخرج ياسر سامي عن صمته ليعلق على تصريحات السيناريست صلاح الجهيني الأخيرة عن فيلم المطاريد، وذلك من خلال منشور عبر حسابه الرسمي على موقع التواصل الإجتماعي فيسبوك.
“لا أنخرط في مهاترات السوشيال ميديا”
وقال ياسر سامي في منشوره: “الحقيقة طوال حياتي المهنية الطويلة وإللي إشتغلت فيها مع كبار المؤلفين المحترمين وكبار شركات الإنتاج المصرية والعربية والمنصات العالمية وكبار نجوم ونجمات مصر والعالم العربى لم إنخرط يوما في مشادات ومهاترات السوشيال ميديا، لأني شايف إن إللي بيعمل كده ببساطة فاضي و تافه وبيبحث عن تريند رخيص، بس بما إن الاخ صلاح الجهيني ذكر إسمي في منشور، فوجب الرد”.
“أفلام صلاح الجهيني ليس لها قيمة”
واستكمل المخرج ياسر سامي حديثه قائلًا: “أولًا دور الاستاذة والظهور الإعلامي والتحدث بصيغة العارف بالسيناريو والانتاج والإخراج مش لايق عليك لأنك لا دارس ولا فاهم ومجرد بلونة أفلام اكشن تجارية ذات بلوت تويست مكرر، صنع نجاحها مخرج واحد عملاق إسمه طارق العريان ونجوم جماهريين كبار قدروا يصنعوا من ورقك الفسيخ شربات، و لو شلت طارق العريان من تاريخك والدعم السعودي العظيم، هنلاقيك واقف لسه في طابور علي باب مكتبي عايز تقابلني لأني مخرج ناجح وليا اسمى من ايام ما انت مكنش حد يعرف عنك حاجة، لو نظرنا لأفلام حضرتك مش هتلاقي لا قيمة ولا رسالة ولا هدف غير الإيرادات وبس فسيب التنظير لناس عندها أعمال ليها آثر وثقل هيفضل في التاريخ”.
ياسر سامي: “مش فاضيلك”
واختتم ياسر سامي حديثه قائلًا: “إنت لو فنان بشلن أو حتي إنسان بربع جنيه كنت سيطرت على نفسك قبل ما تخش تغلط فيا لأنك عايز تعمل تريند بعد أربع سنين من تصوير الفيلم، ولا يوجد اى رابط او تواصل بينى وبينك من وقتها و إللي حصل بنا خلاف شغل ليه وجهات نظر مختلفة واساسه بخل إنتاجي، لكن للأسف إنت إنسان تعبان وفاضي لذلك مهما تعوي في بوستات جايه مش هرد لأني ببساطة مش فاضيلك، وأخيرًا اذا أتتك مذمتي من ناقص فهي الشهادة لي بأني كامل”.
