محمد صلاح العزب يعلق على اعتذار بيومي فؤاد لـ محمد سلام: اتحاسب واتجلد كتير
علق المؤلف محمد صلاح العزب على تصريحات الفنان بيومي فؤاد والتي اعتذر فيها للفنان محمد سلام.
وكتب محمد صلاح العزب تعليقا على اعتذار بيومي فؤاد: "مش لازم كل الناس تبقي زي بعض
ولا لازم كل الناس تتصرف بنفس المنطق ولا كل الناس تحسب نفس الحسابات بيومي فؤاد اتحاكم واتحاسب واتجلد كتير أوي وكذلك محمد سلام كل واحد من ناحية. ربنا عز وجل بيسامح، وكلنا بنغلط وكلنا نستحق نتسامح وناخد فرص تانية وتالتة ورابعة".
وتأثر بيومي فؤاد خلال حديثه عن محمد سلام ووجه اعتذارا له وقال: "نفسي أشوفلك حاجة في رمضان السنة دي .. ربنا يوفقك ويصلح الحال .. وأنا عارف معدنك ويارب يعدي الموضوع ده على خير .. وأنت عارف مين بيومي فؤاد كويس أوي .. ولو زعلان مني أنا آسف”.
واسترجع بيومي فؤاد تفاصيل أزمته مع محمد سلام، مشيرة إلى أنه استنكر من الفيديو الذي نشره سلام على صفحته وانتقد فيه تقديم المسرحية في الرياض، وطلب منه حذفه إلا أنه رفض، وهو ما جعله ينزعج منه بشدة، خاصة أنه سبق أن كان تحدث معه واعتذر له مباشرة ورشح الفنان محمد أنور بدلا منه، مضيفًا: “لسه لغاية دلوقتي الناس بتقول عليا رخيص .. وبعد الموضوع ده أنا قفلت كل السوشيال ميديا بتاعتي، أنا بس استغربت اللي عمله سلام ولقيت الناس كلها بتبعت لي الفيديو لأنهم عارفين إني ولي أمره”.
