تهديد مباشر في ساحة المحكمة.. والدة السباح يوسف تروي التفاصيل

كشفت الدكتورة فاتن إبراهيم، والدة السباح يوسف محمد لاعب نادي الزهور، عن تعرضها لتهديد مباشر وضغط نفسي من من قبل أحد الأشخاص، أثناء تواجدها في قاعة المحاكمة، لحضور محاكمة المتهمين المتسببين في وفاة نجلها.

وقالت والدة السباح يوسف محمد: هحكيلكوا موقف يعرفكوا إحنا بنتعامل مع مين، ويحسسكوا قد إيه في ناس معندهاش رحمة، ودول اللي ربنا قال عليهم: (ويلٌ للقاسية قلوبهم).

وأنا قاعدة في المحكمة قبل ما تبدأ المحاكمة، وطبعا حاسة قلبي هيقف، ويوسف قدام عيني، وبحاول أصدق وأقنع نفسي أنا فين أو عايشة إزاي كده، وشوية بقوّي نفسي وشوية عيني تدمع.

وفجأة، ييجي واحد للأسف كبير سنا، يقف قدامي ويقولي: أنتي هتشوفي هعمل إيه، وهرفع علكيي قضية انتي وباباه، وهتشوفي هعمل فيكوا إيه!.. أحلف كده؟ تهديد واضح وصريح،

وتابعت فاتن إبراهيم: قلتله: أتفضل من هنا حالا، قالي: انتي مش قاعدة في بيتك، هتشوفي هعمل فيكوا إيه؟ والقضايا اللي هرفعها عليكوا.  

وأضافت الدكتورة فاتن إبراهيم، يعني الحمد لله قومت وناديت العميد، وهو الحمد لله مشكور تصرّف على أكمل وجه، وكأن الغرض التهديد، عشان يا قلب أمه فاكر إني هخاف أو إني أنهار وأقعد أعيط على جنب وأسيب محاكمة يوسف.

وجع الأم

ووأردفت: عايزة أقولك، ومن غير حضرتك، إنك لسه مش عارف يعني إيه أم تتوجع على ابنها، لو تعرف معنى الوجع والحسرة اللي في قلب الأم لما ابنها يموت قدام عينيها، هتعرف إنها ممكن تاكل أي حد بأسنانها ومتضعفش، بالعكس بتقوى قوي.

واختتمت والدة السباح يوسف محمد حديثها قائلة: استوقفني جدا الموقف، هو في ناس كده؟ في ناس مش حاسة إحنا في إيه؟ يا جماعة الناس لسه أصلًا مش حاسين إن في غلط وإهمال وتقصير حصل.

وعلى صعيد آخر قالت الدكتورة فاتن إبراهيم، والدة السباح يوسف بطل الجمهورية، إن الفيديو الذي تم عرضه اليوم في النيابة أظهر أن ابني كان في انتظار المساعدة، مع الأخذ في الاعتبار، بعدم وجود متابعة من المسؤولين في البطولة.

 دي بطولة جمهورية مش في البحر بيلعب

 وأضافت، خلال مداخلة هاتفية عبر برنامج الحكاية، والمذاع عبر قناة إم بي سي مصر: 

“دي بطولة جمهورية، مش في البحر بيلعب، أنا سلمت ابني للاتحاد المصري للسباحة، وما استلمتهوش، مين المسؤول عن غرق ابني، حسبي الله ونعم الوكيل”.

وتابعت:"القضاء المصري هيجبلي حقي، أنا متأكدة، حق ابني مستحيل يضيع، حق يوسف جاي، واتمنى أن فيه ناس تخاف على أرواح ولادنا، الـ 18 متهم هم المتهمين في قضية غرق ابني، والنيابة العامة أوضحت دور كل متهم فيهم".

وأذاعت النيابة العامة، منذ قليل، عبر صفحتها الرسمية على موقع التواصل الاجتماعي فيس بوك، مرافعة ممثلها فى القضية رقم 8047لسنة 2025 جنح ثانٍ مدينة نصر المعروفة إعلاميا باسم السباح يوسف.

تأجيل محاكمة  المتهمين بالتسبب في غرق السباح يوسف محمد

وقررت محكمة جنح مدينة نصر تأجيل محاكمة مسؤولي الاتحاد المصري للسباحة، المتهمين بالتسبب في غرق السباح يوسف محمد، لاعب نادي الزهور، الذي توفي إثر تعرضه للغرق داخل حمام السباحة أثناء بطولة الجمهورية، لجلسة 22 يناير الجاري.

والدة السباح يوسف ابني كان مشارك في بطولة الجمهورية مش بيلعب في الشارع

وقالت والدة السباح يوسف محمد: «ابني مكانش بيلعب في الشارع، ولا كنت مودياه البحر، أنا كنت مسلماه للاتحاد المصري للسباحة، ومكانش نازل يلعب هو وصحابه أو يسابقوا بعض، ده كان مشارك في بطولة الجمهورية للسباحة باستاد القاهرة الدولي».

وأضافت: «بطولة كبيرة زي دي، مين المسؤول عنها هل بطولة زي دي اللي بيقوم إدارة المنقذ، البطولة خاضعة لإشراف الاتحاد المصري للسباحة وتحت إشراف وزارة الشباب والرياضة، يوسف كان بيلعب في بطولة رسمية، فمين المسؤول عن اللي حصل».

دفاع المتهم الأول يطالب بفض الأحراز

ومن جهة أخري، قدم محمد الصواف محامي المتهم الأول في قضية غرق السباح يوسف محمد لاعب نادي الزهور طلبا لهيئة المحكمة للحصول على صورة رسمية من التحقيقات، تمهيدا لتقديم الدفاع عن موكله.