راندا البحيري توجه الشكر للدكتور أحمد عمارة وتكشف كيف ساعدها في تخطي الصعاب

وجهت الفنانة راندا البحيري الشكر إلى الدكتور أحمد عمارة، استشاري الصحة النفسية، مشيرة إلى أنه صاحب الفضل عليها في تخطي العديد من الصعاب.

وأوضحت راندا البحيري في منشور عبر حسابها بموقع فيسبوك، أنها اكتشفت أن أحمد عمارة كان صديقها في الدراسة، ولجأت له منذ فترة واستشارته في أمر ما، وتعلمت الكثير منه على مدار سنوات.

وكتبت راندا البحيري: "ممكن لو سمحتوا تقروا البوست ده من غير ما تحسوا إني (بأڤور) في أي جملة هقولها ؟؟ ممكن؟؟ أقسم بالله اللي هقوله هنا هو أقل من اللي حصل وأقل من حقه وأقل من الحقيقة بكتير ، أنا مريت بسنين فيها صعوبات و فيها حاجات حلوه كتير  أوي، الحاجات الحلوة كنت دائمة الحمد والشكر عليها 
وكنت عارفه قيمتها. وعمري ما اعتادتها وفقدت قيمتها عندي بالعكس كنت كل يوم بصحي من النوم بشكر ربنا عليها، أما الحاجات الصعبة علشان اعديها 
كنت بتعلم من اللي سبقونا في المعرفه والعلم، وأولهم كان الدكتور أحمد عمارة"..

وأضافت راندا البحيري: “سمعت لناس كتير جدا في رحلتي للتعرف علي نفسي أولا… لكن كنت بسمع حد وأرجع اسمع عمارة تاني. اسمع حد جديد وأرجع اسمع عمارة يومين تلاتة.  بعدها اجرب حد تالت. وبعدها ارجع لعمارة. لحد ما قعدت سنين اسمع دكتور أحمد لحد ما وقعت مرة في موضوع كبير شوية واحتاجت استشارته وفوجئت إننا كنا أصحاب وأصدقاء العمر من واحنا صغيرين لكن اختلط علي الأمر ومفتكرتش ان هو هو نفسه احمد صديقي القديم”.

 اتحسنت كتير اوي علي إيده

وتابعت راندا البحيري:"بالمناسبة ان كل أصحابي وشلتي وأصدقاء الطفولة هم الآن نوابغ ومشاهير وناس كلهم بسم الله ما شاء الله عليهم ربنا يزيدهم يارب 
كله ناجح في مجاله الحمدلله، وأأنا ليا الشرف اني كنت من أصدقاءه في يوم  المهم نرجع تاني لمقصد البوست وهو إني كان نفسي اديله حقه من اللي حصللي في حياتي من ايجابيات أنا اتحسنت كتير اوي علي ايده وربنا كرمني جامد اوي بإني حاولت أستفيد منه علي اد ما اقدر".

وأكملت:"تقريبا مفيش فيديو ليه مشوفتهوش لدرجة و هو عارف ان الراديو اللي كانوا بيستضيفوه فيه في المغرب وبرا مصر مش فاكره فين كمان.  كنت بسمع الحلقات دي كلها كلها. حتي لو الكلام متعاد كنت بسمعه تاني شكرا دكتور أحمد عمارة ودمت لنا ولمجتمعك وأهلك وناسك يارب العالمين ارزقه واحميه وبارك فيه".