مسلم يعلق على مشاركة زوجته معه لأول مرة في فيديو كليب جديد.. ويارا ترد

كشف مطرب المهرجانات مسلم عن مشاركة زوجته يارا معه في فيديو كليب جديد لأول مرة.

وقال مسلم في لقاء عبر عرب وود:"يارا أول مرة تطلع معايا في حاجة، قلت لها هتظهري في شوت صغير، هي بتحبني وبتحب تشتغل معايا في أي حاجة".

من ناحيتها ردت يارا وقالت:" ساعات بتكسف شوية لكن طول ما أنا معاه عادي".

تعاون مسلم مؤخرًا مع المطرب الشعبي في أغنية بعنوان كله فيك، والتي طرحت على يوتيوب الأسبوع الماضي، وتقول كلماتها":

| كلمات الأغنية :
عيال قلوبها سوده واخدينها عن عن 
سايقينها اوي علينا شايفيني اون ذا ران.

٢٦ جاية بأسوء محدثين 
كلها عاملالك رانج روفر في الدرى توكيل شاهين.

صاحبي باصصلي في خيري ويقول ماتشدني 
ليه الكوكب شايفني معمار المرشدي.

شكل العشم معاه جاي بخسراه وده.. 
ده الشيء ان زاد عن حده بيتقلب ضده ياخلق.

كله فيك واللي جاي كاب كيك.. 
هغرق معاكوا زي تايتنيك مافيكوش سالك 
وكله زمبلك ابعدوا عني.

مايغركش العدد وكثرهم باقة الرجوله خلصت عندهم..
مبدئ لا يتجزأ منهم ابجني تجدني.

تقيل عليك وكله عارف كده المكنه يا ابني عندي مفوته 
نستنى ايه من الناس وعكهم يتعبوا في قلبي.

شايلكم حاجات ماتتنسيش وامسكوا عالعقل 
عشان مابجيش بتقول كلام وعادي ماهزنيش سندال من صغري.

عرفت ناس بجد يتقالهم شابو 
كدب وخيانه وغش واهو كله زي اخوه.

عمري ما قابلت حد من على طبلية أبو 
ده في عيد ميلادي جم عشان ياكلوا بس الجاتوه.

مالوش لزوم اعيد بس ياريته طمر 
عيطت كتير في حياتي وعيطت البصل.

قالوا صاحبك دراعك وانا راضي بالقدر .. 
طب كنت فين يا دراعي جاله تمزق عضل.

كله فيك واللي جاي كاب كيك.. 
هغرق معاكوا زي تايتنيك مافيكوش سالك 
وكله زمبلك ابعدوا عني.

مايغركش العدد وكثرهم باقة الرجولة خلصت عندهم .. 
مبدئ لا يتجزأ منهم ابجني تجدني.