سالي عبدالسلام تظهر بإسدال الصلاة بعد إعلان خبر حملها |صورة

شاركت الإعلامية سالي عبدالسلام، متابعيها عبر ستوري إنستجرام صورة لها وهي ترتدي إسدال الصلاة، وجاء ذلك بعد إعلان خبر حملها مؤخرًا.

وحرصت سالي عبدالسلام على توجيه الشكر لكل متابعيها الذي هنأوها بخبر حملها، حيث كتبت من خلال الاستوري : "مش مصدقة كل الحب ده والرسايل الحلوة اللى جاتلي .. بمجرد ما أعلنت خبر حملي".

وتابعت سالي : "جاتلي رسايل كتير حلوة بشكل ما يتصدقش وفوق الخيال جدًا .. وبشكر كل اللى فكر يبعتلي تعليق أو رسالة يهنيني فيها .. شكرًا على الحب ده ".

وكانت قد أعربت الإعلامية سالي عبدالسلام عن سعادتها البالغة بدعوات محبيها وجمهورها بعدما علموا بحملها، بعد استضافتها في برنامج صبايا الخير مع الإعلامية ريهام سعيد على قناة النهار.

وكتبت سالي عبر حسابها على إنستجرام : “بسم الله نبدأ 2026 ببركة ورزق وهبة من الله .. أنا كان نفسي إني أحط فيديو على الأغنية دي أوي والله .. أنا من إمبارح عايزة أعيط من جمالكم بجد .. أنا شوفت دعوات عمري ما شفتها في حياتي .. شكراً من قلبي .. كل اللى حواليا قالولي متقوليش .. إسكتي قولي لما تولدي .. بس حقكم تعرفوا”.

وأضافت سالي عبدالسلام : "حقكم إنكم تعرفوا دعواتكم اللي شوفتها وسمعتها أو اتقالتلي في وشي .. إن ربنا كرمني بيها وبكل واحد فيكم .. وده سر قوتي وعمري ما بنسى .. لما الناس بتقولي اشمعنى انتي بيدعولك أو بيحبوكي بخاف اتحسد عليها”.

وتابعت : "أه دعوات الناس تغير الأقدار ومستجابة أكتر من دعواتي لنفسي .. لو قولتلكم إني استنيت دوري سنين عشان ربنا يرزقني الرزق  والهبة دي عارفة إنكم هتصدقوا .. الحمدلله خسرت تؤام .. بس ليا بيتين في الجنة وبدعواتكم ربنا كرمني وهيكرمني وهيكملها على خير .. وهيبقى معايا زينة الحياة الدنيا واللي يوهبه رضا أى كان .. وهو على هين الوهاب”.

واختتمت سالي عبدالسلام : "عايزة دعوات كتير أوي .. أكتر من الدعوات اللي فاتت والله عشان الطريق مش سهل .. وكل شوية يحصل حاجة تصعب المشوار و مضاعفات وكل شوية أخاف أكتر .. أضعاف ما دعيتم وتمنيتم يارب .. ربنا يرزق كل واحد نفسه يا رب”.