بعد تصريحات محمود سعد عنها.. عائلة أم كلثوم ترفض التعليق
أثار الإعلامي محمود سعد الجدل خاصة بعدما تحدث عن حقيقة بخل أم كلثوم، وأن هذا الكلام ليس له أساس من الصحة، وأن أم كلثوم كانت خيرة وتركت معظم ثروتها إلي البلد، وحرص موقع نيوز رووم أن يكشف حقيقة الأمر من خلال تعليق عائلتها.
تعليق عائلة أم كلثوم على التصريحات
ولكن رفضت عائلة أم كلثوم التعليق على ذلك الأمر، حيث قالت في تصريحات خاصة لـ موقع نيوز رووم: “أم كلثوم أكبر من كل الكلام اللي بيتقال عنها من ساعة فيلم الست”، واكتفت الأسرة بهذا التعليق المقتضب.
حقيقة بخل أم كلثوم عل لسان محمود سعد
في سياق منفصل، قد رد الإعلامي محمود سعد عن الأقاويل التي تزعم أن أم كلثوم كانت بخيلة، وهو ما صوره فيلم الست بطولة منى زكي وأثار جدلًا واسعًا بعد عرض الفيلم مؤخرًا.
وقال محمود سعد في فيديو عبر حسابه بموقع التواصل الإجتماعي فيسبوك ظهر فيه في مقهى أم كلثوم: “اللي بيتكلم عن أم كلثوم كانت بخيلة، ده مش حقيقي، إحنا عندنا كمية تبرعات غير منطقية منها، لما غنت سنة 70 في الكويت وخدت في الحفلة رقم كبير وقدمته للمجهود الحربي، بعد الحفلة أعطوها شيك، ثم جالها حد من أمراء الشيوخ الكبار أعطاها شيك تاني ليها هدية ليها هي ولكنها أيضًا حطته في المجهود الحربي، وقالت أنا جاية باسم مصر، عندك تفاصيل كتير أهمها وأجملها إنها كانت بتعلمنا الحب والهمس وبتعلمنا الغضب وكل حاجة حلوة”.
وأضاف محمود سعد: “القهوة دي ليها ذكريات كتير عندي، أنا باجي هنا وأنا عندي 16 سنة كل يوم وكنا نقعد هنا ونسمع الست وننبسط وقد كده لما يكون عندك 16 سنة وتسمع الست ممكن تطلع كفتة أو دماغك بلوظة؟ ما اعتقدش”.
“أم كلثوم عملت كل حاجة”
وتابع: "أم كلثوم عملت كل حاجة بمنتهى البساطة.. اسمعوا بليغ حمدي وهو بيتكلم إزاي شاف ست بسيطة وكانت تدرك أن أصعب ما في الحياة الكبر لأن إبليس أبى واستكبر وما كانش عندها كبر، فيه صورة انتشرت لشاب صغير كان عنده رهبة من أنه يقف جنبها لكنها قالت له تعالى اقف جنبي كانت بسيطة رغم كل المجد، وإيديها كانت بتعرق لأنها بتتوتر قبل ما تقف على المسرح، وكانت بتقول أنا بخاف من الجمهور لأنه له فضل ولازم أخاف وأعمله الف حساب
وأكمل:"سعيد إني عرفت من بدري ان الست دي حاجة تانية حقيقة وخيال وحلم وصورة واقعية".
