والدة الشاب المتهم بالاعتداء على فتاة المعادي: بينهم علاقة منذ 3 سنوات
دافعت والدة الشاب أحمد سمير المتهم بالاعتداء على فتاة بسلاح أبيض أمام نادي اللؤلؤ بالمعادي والتسبب في إصابتها بعاهة طبية، لرفضها الارتباط به، مؤكدة أن ابنها بريء من هذه الاتهامات.
وقالت والدة الشاب: أنا أم أحمد سمير، أحمد ابني كان مرتبط بي البنت دي وهما كانوا مع بعض 3 سنوات وبعلم أهلها، مع العلم أن ابني يبلغ من العمر 20 عاما، وليس 31 عاما، كما هو منتشر.
وتابعت والدة الشاب المتهم بالاعتداء على فتاة بالمعادي: ودي مش إصابات سلاح أبيض، دي خرابيش فقط، وكأنوا مستـاجرين شقة من عندي، وأنا طردتهم بسبب مشاكلهم مع أحمد ابني، بالإضافة إلى تعديهم عليه.
واختتم والدة الشاب أحمد سمير قائلة: ابني مش وش الكلام ده، ده طالب جامعة في كلية محترمة، والله أحمد ابني مظلوم.
وقالت إحدى المتابعات: محدش فيكم عارف الحقيقة كاملة طبعا دي بعد الصور لي البنت ف بقا صور تثبت أنها تموت أحسن لأنها مش شافت تربية نهاني، ولو على الولد كلها في السن ده بتعمل كدا اتقو لله شوية يا جماعه مش كدا زي ماهي ليها مستقبل فهو أيضا له مستقبل.
واستغاثت مواطنة عبر موقع التواصل الاجتماعي «فيسبوك» بوزارة الداخلية والأجهزة الأمنية، لإنقاذ شقيقتها من شاب اعتدى عليها بسلاح أبيض أمام نادي اللؤلؤ بالمعادي، محدثًا لها عاهة طبية.
ووفقًا لمنشور الفتاة، الذي تداوله مئات المتابعين على منصات التواصل المُختلفة، فإنَّ الشاب سبق ورفضت عائلة الفتاة خطبته منذ 5 أشهر بسبب تعاطيه المخدرات والشرب.
وزعم المنشور أنّه أثناء خروج الشقيقة من الفرح الذي حضرته مع صديقتها في النادي، تقدّم الشاب واعتدى عليها في الشارع بضربة بسلاح أبيض في منطقة الرقبة، مصحوبًا بتهديدات بـ«ذبحها مثل نيرة»، مع وجود سلاح ناري لديه، وكان بصحبته أربعة من أصدقائه.
وقالت الفتاة في استغاثتها: « السلام عليكم انا اختي امبارح كانت ف فرح واحده صحبتها في نادي الؤلؤء في المعادي طلع عليه شباب منهم واحد كان متقدم لاختي واحنا رفضنا عشان بيشرب وبيع مخدارت ولما عرفنا كده بابا رفضوا الكلام ده من ٥ شهور ورفع علي بابا سلاح أبيض».
وأضافت: «وبعدين امبارح شاف اختي طلع من الفرح سحالها ف الشارع وضربها بسلاح في رقبته كان هيدبحها وكان بيقوله هدبحك زي نيره وكان معاه مية نار كان عايز يشوه اختي أو يقتلها».
وتابعت: «انا بستغيث بوازرة الداخليه الولد ده لازم يتعاقب عشان لو اتساب ممكن يقتل اختي ودايما بيهددها واهلو ناس وحشين اوي وبتوع مشاكل ومش ساييبنا في حالنا».
وأفادت بقولها: «احنا لسه راجعين من النيابة ولحد دلوقتي لسه متجبش وأخوه كان معاه و٤ اصحابو انا عايزه حقا اختي اختي كان ممكن تكون ميته دلوقتي وحسبي الله ونعم الوكيل كلو يعمل منشن ل وزارة الداخليه عشان حقي اختي ميضعش».
