رغم انفصالهما.. تامر حسني وبسمة بوسيل يحتفلان بالسنة الجديدة مع أبنائهما
شاركت المطربة المغربية بسمة بوسيل متابعيها صورة عائلية جمعتها بالفنان تامر حسني، والد أبنائها الثلاثة، احتفالًا برأس السنة الجديدة، عبر خاصية الستوري على حسابها الرسمي بموقع إنستجرام.
وظهرت بسمة في الصورة برفقة تامر حسني وأطفالهما في أجواء عائلية، ما أثار تفاعل المتابعين.
واختتم النجم تامر حسني الحفل الغنائي الضخم المقام بالعاصمة الجديدة للاحتفال بليلة رأس السنة، وأشاد بالتنظيم والمهرجان، قائلا: شكر لكل القائمين على المهرجان والتنظيم ومستمر إن شاء الله.
ثم أقيم عرض باهر بالليزر فى سماء العاصمة وسط انبهار الجمهور والتصفيق وتسجيل فيديوهات للعرض.
وأشعل النجم تامر حسني الحفل الغنائى الضخم المقام بالعاصمة الجديدة، ليلة رأس السنة، بميدلي لأغنية وسط صياح كبير من الجمهور، ثم صعدت فتاة معجبة على المسرح تحتضنه، ليقول تامر: بتقولى حمد الله على السلامة وكده.
وجه الفنان تامر حسني نصيحة قوية لجمهوره، وذلك من خلال حسابه الرسمي على موقع التواصل الإجتماعي فيسبوك، ليحثهم من خلاله على عدم استهلاك طاقتهم ومشاعرهم على أشياء لا تستحق.
نصيحة تامر حسني لجمهوره
حيث قال تامر حسني في منشوره: "صباح الورد حبايبي ، سمعت تحليل عظيم أحب أنقلهلكم جايز يفيدكم بس ركزوا فيه جدا، ربنا سبحانه و تعالى بيخلقك و يديك هديه
٥ مليار دقة قلب مثلاً لو هتعيش ل ٧٥ سنه او ٨٠، شوف بقى تقريباً أنت ضيعت منهم ٢ مليار و نص خلاص طبعاً كلامي على المواقف اللي في إيدينا نغيرها فا تيجي بعد شوية تقول لنفسك أيه دة !!!!، هل المواقف اللي عيشتها دي كانت مستاهلة أضيع عليها من عمري كل الدقات دي !؟؟، فا أنت او إنتي من دلوقتي قولوا لنفسكم، هل القصة دي او الزعل ده او المشكله دي هتاخد من حياتي مثلاً ٢٠ الف دقة قلب، هل تستاهل، المقصود إنك متضيعش عمرك و دقات قلبك على حاجات متستاهلش، الدقات اللي بتروح مبترجعش تاني".
تامر حسني: “متركزش في الماضي”
واستكمل تامر حسني حديثه قائلًا: “دايماً بقول إن اللي صاحي دلوقتي و الكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنياه و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط بص قدامك ركز في ورقتك و حالك مش حال الناس مستنيك نجاح كبير روحله و متضيعش وقتك و دقات قلبك في حاجات متستاهلش”.
