راندا البحيري تثير الجدل بمنشور لـ طليقها: سنة سودة عليك
أثارت الفنانة راندا البحيري الجدل بمنشور خلال رأس السنة أثار تفاعلًا واسعًا على مواقع التواصل الاجتماعي، حيث وجهت رسالة غير مباشرة إلى طليقها.
وكتبت راندا البحيري عبر حسابها بموقع فيسبوك:"كل سنة وأنت طيب يا نطع.. سنة سودة عليك إن شاء الله وعلى كل أمثالك".
وعلقت أحد متابعيها على المنشور: “وليه كل سنة وهو طيب هو لسه هيعيش سنين تانية يرازينا”، لترد راندا:"اللي زي دول يا عزة… عاملين زي فرعون كده…. ربنا بيمهل وبيسيبهم عايشين كتير. وبحس انه بيديهم فرص كتير اوي لعلهم يهتدوا.علشان ميجيش الشخص ده يوم القيامه عنده اي حججميقدرش يقول لقاضي السماء ما هو اصلك قبضت علي روحي و أنا لسه شباب و معرفش ومفهمش سبحان الله بشوف اغلب الناس الوحشه و الظالمين قدامي اللي قابلتهم بيعيشوا كتير أو بيموتوا كبار أوي".
كانت راندا البحيري علقت على الفيديو الذي أثار جدلًا واسعًا وظهر فيه طليقها الإعلمي سعيد جميل ورجل الأعمال شادي ريان، وكتبت: “يمكن الدنيا كلها كلمتني والصحافة كمان علشان ارد، وقالوا لي انتِ اتهانتي، وأنا بصراحة شايفة ان اللي هان.. هان نفسه، آه أنا شوفت كتير، سنين طويلة وعانيت حقيقي، بس ربنا الحق العدل، اكيد في وسط المحن كان بيكون فيه حاجات جميلة، نظرة في عين ابني بالدنيا وما فيها".
وأضافت: "إحساسي إن ربنا معايا في كل خطوة بخطيها ده الأهم في حياتي كلها، وأخيرًا التفاف الناس حول الحق، ده بيهدي من وجع قلب الواحد، أنا مش قادره احكي كتير في الحاجات دي، هي بالنسبه لي فاتت الحمدلله و عدت”.
