محمد إمام ساخرًا: كلكم أعلى أجر ومشاهدة سيبونا نشتغل في هدوء الله يكرمكم
عاود الفنان محمد إمام الحديث عن مصطلح الأعلى أجرًا والذي يستخدمه كثير من الفنانين الفترة الأخيرة، معبرًا عن سخريته من هذا الأمر.
وكتب محمد إمام عبر حسابه بموقع إنستجرام:"خلاص يا جماعة بطلوا عياط ماحصلش حاجة كلكم أعلى أجور وأعلى مشاهدة وأعلى كل حاجة سيبونا نشتغل في هدوء بقى الله يكرمكم علشان مفيش وقت".
وحرص محمد إمام على تهنئة جمهوره بمناسبة العام الجديد، وكتب عبر حسابه بموقع إنستجرام:"كل سنة وانتوا حلويين جميعًا، سنة جميلة لطيفة على الكل ويا رب خير إن شاء الله، استنوا الكينج في رمضان بإذن الله، وفي مفاجأة جامدة في العيد ربنا يقدرني واعملكم حاجات حلوة تسعدكم دايماً ..بحبكم كتييييير جداً".
وكان محمد إمام، أوضح ان منشوره عن أنه الأعلى أجرًا، لا يقصد به أحد ولا يرد من خلاله على أي شخص، حيث كتب: “أنا مش عارف ليه في ناس فهمت أن أنا نزلت بوست لشخص محدد ..أنا عامله ليهم كلهم ونتكلم جد شوية.. أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا”.
وأكد محمد إمام أن وصوله لما هو عليه لم يكن سهلًا":إني أكون ابن أكبر نجم في التاريخ ووصلت للي انا فيه دلوقتي ده ماكنش سهل أبداً وبحمد ربنا عليه كل يوم .. وده كان بفضل حبكم و دعمكم ليا بعد فضل ربنا سبحانه و تعالى .. يعني انا أصلاً فيا اللي مكفيني وحقيقي بتمنى الخير للجميع .. المنافسة دي بتخلينا نطلع أحسن ما فينا وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم أكتر بكتير وانتوا أهم حاجة في حياتي بعد عيالي".
