أحمد مجدي عن التكريم: «اللي حصل في فات الميعاد لسه مش عارف أقفشه»

أعرب الفنان أحمد مجدي عن سعادته الكبيرة بتكريمه عن دوره في مسلسل فات الميعاد، مؤكدا أن ردود الفعل فاقت توقعاته.

وقال خلال لقائه ببرنامج «الستات» المذاع عبر قناة «النهار»: «ظروف المسلسل ده والمجهود اللي اتبذل فيه والنتايج وردود الأفعال كانت كلها استثنائية، فتكريم زي ده بالنسبة لي بيأكد على حاجة لحد دلوقتي مش عارف أقفشها».

وتابع: «كل الناس قالت إن في نضج تاني وإن أحمد اتولد من جديد».

وفي سياق متصل، تحدث الفنان أحمد مجدي عن نظرته لنفسه، مؤكدا أنه لا يرى نفسه النموذج التقليدي للرجل الوسيم رغم إعجاب الجمهور به.

وقال أحمد مجدي، خلال لقائه ببرنامج «الستات» المذاع على قناة النهار: «أنا بسمع كتير إن أنا وسيم بس أنا مش مقتنع، لو ركزتي هتلاقي دي مش مناخير رجل وسيم ولا دي ودانه، بس إحنا بناخد الباكدج».

وأضاف: «اللي شايفني بعيون المحبة وعيون الإعجاب دي ثروة في حد ذاتها».

وفي سياق أخر، كشف الفنان أحمد مجدي كواليس مشاركته في فيلم بنات الباشا، والذي شهد عرضه الأول منذ أيام قليلة، خلال فعاليات الدورة الـ 46 من مهرجان القاهرة السينمائي الدولي.

حديث أحمد مجدي عن فيلم بنات الباشا

وقال مجدي خلال لقائه مع كاميرا نيوز رووم : "شخصيتي في فيلم بنات الباشا مختلفة .. لأنه شخص بيركز مع نفسه لكن في نفس الوقت بيحرك الأحداث .. وبنشوف انعكاس قصص لسيدات من خلال ديناميكية مختلفة وجديدة وبشكل مثير .. والفيلم فيه شئ جديد ومختلف .. وأتمنى يعجب الناس".

وعن كواليس العمل مع بطلات بنات الباشا، تابع : "أولًا إن أنا أبقى في وسط هذه الباقة من النجمات ده شئ بالنسبالي جميل وثري جدًا .. وكل ممثلة منهم أحبها وصديقة لي .. وبحب الشغل معاهم كلهم .. واعتقد هتشوفوا شئ مميز في مشاهدي مع كل واحدة فيهم".

تعاون أحمد مجدي مع مي عمر في رمضان 2026

كما تحدث أحمد مجدي عن تعاونه مع مي عمر في مسلسل الست موناليزا، قائلًا : "مبسوط جدًا إن أنا هشتغل مع مي عمر .. أنا بحبها جدًا وشايف إنها فنانة مميزة ومجتهدة .. وكمان سعيد بالشغل مع المخرج محمد علي وباقة من النجوم المميزين .. وإحنا بقالنا شهور بنحضر وبنكتب وبنعمل بروفات .. واللي مطمني إن النوع ده من الجدية أكيد بيعمل حاجة كويسة".