متضيعش دقات قلبك على حاجات متستاهلش.. تامر حسني يوجه نصيحة لجمهوره
وجه الفنان تامر حسني نصيحة قوية لجمهوره، وذلك من خلال حسابه الرسمي على موقع التواصل الإجتماعي فيسبوك، ليحثهم من خلاله على عدم استهلاك طاقتهم ومشاعرهم على أشياء لا تستحق.
نصيحة تامر حسني لجمهوره
حيث قال تامر حسني في منشوره: "صباح الورد حبايبي ، سمعت تحليل عظيم أحب أنقلهلكم جايز يفيدكم بس ركزوا فيه جدا، ربنا سبحانه و تعالى بيخلقك و يديك هديه
٥ مليار دقة قلب مثلاً لو هتعيش ل ٧٥ سنه او ٨٠، شوف بقى تقريباً أنت ضيعت منهم ٢ مليار و نص خلاص طبعاً كلامي على المواقف اللي في إيدينا نغيرها فا تيجي بعد شوية تقول لنفسك أيه دة !!!!، هل المواقف اللي عيشتها دي كانت مستاهلة أضيع عليها من عمري كل الدقات دي !؟؟، فا أنت او إنتي من دلوقتي قولوا لنفسكم، هل القصة دي او الزعل ده او المشكله دي هتاخد من حياتي مثلاً ٢٠ الف دقة قلب، هل تستاهل، المقصود إنك متضيعش عمرك و دقات قلبك على حاجات متستاهلش، الدقات اللي بتروح مبترجعش تاني".
تامر حسني: “متركزش في الماضي”
واستكمل تامر حسني حديثه قائلًا: “دايماً بقول إن اللي صاحي دلوقتي و الكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنياه و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط بص قدامك ركز في ورقتك و حالك مش حال الناس مستنيك نجاح كبير روحله و متضيعش وقتك و دقات قلبك في حاجات متستاهلش”.
حفل تامر حسني في قصر عابدين
في سياق منفصل، وجّه الفنان تامر حسني رسالة شكر مؤثرة لجمهوره، عقب إحيائه أول حفل غنائي له بعد تعرضه لوعكة صحية مؤخرًا، مؤكدًا أنه استمد قوته وعودته السريعة من حب جمهوره ودعواتهم الصادقة.
وقال تامر حسني، في تعليق عبر حسابه الرسمي على موقع تبادل الصور والفيديوهات «إنستجرام»، مرفقًا بصور من الحفل، إنه يحاول الوقوف مجددًا على قدميه بدعم جمهوره، وكتب: «بحاول أقوم معاكم، شكرًا على كل مشاعر الحب اللي شوفتها منكم امبارح.. With all my love Zaya.. Home».
