داليا مصطفى تؤكد طلاقها رسميًا من شريف سلامة |خاص

أعلنت الفنانة داليا مصطفى طلاقها رسميًا من الفنان شريف سلامة، مشيرة إلى ان الطلاق حصل مؤخرًا.

ويأتي الطلاق بعد زواج دام 21 عامًا، أسفر عن ابنين هما سليم وسلمى.

كانت داليا مصطفى، ردت على سؤال إمكانية عودتها للفنان شريف سلامة، وقالت خلال لقاء مع "عرب وود": الله أعلم، النصيب واللي ربنا شايفه دايما بيكون الأصلح، مقتنعة بده، وربنا بيشوف حاجات أنت مش شايفاها ولا عارفها.

وأكدت أن بوسي ونور الشريف عملوا عقدة لجيل كامل، لإنهم كانوا بالنسبالنا قصة حب لا تنتهي.

داليا مصطفى تهاجم منتقدي أحمد السقا 

على جانب آخر، هاجمت داليا مصطفى الساخرين من الفنان أحمد السقا، بعد الانتقادات والسخرية التي تعرض لها، في أعقاب فيديو دعمه لـ محمد صلاح ورسالته لإدارة ليفربول.

وقالت داليا مصطفى عبر فيديو على حسابها بموقع إنستجرام: "أنا شايفة تعليقات صعبة جدًا على أحمد السقا، هو أحمد عمل إيه؟ أحمد مصري، دافع عن محمد صلاح المصري ضد موقف سخيف جداً بيحصل مع محمد صلاح. إحنا بقى كمصريين، بنهاجم ليه أحمد السقا؟، على فكرة، أحمد راجل، راجل قوي، وواقف جنب ناس كتير قوي. ناس من الوسط الفني وبره الوسط الفني، وله مواقف كتير قوي فيها جدعنة.فإحنا ليه نخلي قامة عندنا بالشكل ده تبقى محط استهزاء وسخافة وتريقة؟ ومن جيل جديد ممكن حتى ما يكونش عارف أحمد السقا بشكل قوي. ليه نخلي شكله وحـش بالشكل ده؟ ليه بنعمل كده في بعض؟أنتوا عارفين الكلام ده بيبقى صعب على نفسـية الناس قد إيه؟ حـرام بجد حـرام”.