«كارتة مش كيرلي».. موجة سخرية تلاحق البلوجر سلمى عبدالعظيم بعد خلع الحجاب
دخلت البلوجر سلمى عبدالعظيم في دوامة انتقادات حادة وضعتها في قلب عاصفة جديدة من الجدل، بعد أسابيع قليلة من إعلانها خلع الحجاب امتدت إلى شكلها وإطلالتها الجديدة، وتحديدًا شعرها الكيرلي.
سلمى كانت قد فاجأت متابعيها بنشر صورة لها دون حجاب عبر حسابها على «إنستجرام»، وعلّقت عليها بعبارة غامضة ومؤثرة: «حاولت جاهدة لحماية هذا الجزء مني.. واليوم أنا الذي لم يعد بإمكانه حمايته»، ما فتح الباب أمام سيل من ردود الأفعال الغاضبة والمنقسمة.
لكن الجدل لم يتوقف عند خلع الحجاب وإنما تجدد بصورة أعنف بعدما ظهرت سلمى في صور وفيديوهات جديدة وهي تعتمد تسريحة الشعر الكيرلي، لتتحول التعليقات سريعًا من النقد إلى السخرية اللاذعة.
وكتب عدد من المتابعين تعليقات صادمة من بينها: «إنتي كارتة يا حبيبتي مش كيرلي خالص»، «اسمها كارتة والله»، «يعني انتي قالعة الطرحة عشان تورينا الكارتة دي؟».
انتشرت مثل هذه التعليقات بشكل لافت، لتتصدر كلمة «كارتة» المشهد، وتتحول من وصف ساخر إلى عنوان رئيسي للهجوم على البلوجر.
زوج البلوجر سلمى عبد العظيم يدافع عنها بعد خلعها للحجاب
سبق وأن علّق علاء جمال، زوج البلوجر سلمى عبد العظيم، على خلعها للحجاب، مشيرًا إلى أن لها الحق في اتخاذ ما تراه مناسبًا لنفسها، ولا يحق لأحد أن ينتقدها أو يهاجمها.
وجاء ذلك عبر بوست قام بنشره على صفحته الرسمية بمنصة "انستجرام" قائلًا: في نقطتين هنحطّهم قدّامنا عشان نكون واضحين،أولًا إن سلمى مش مبسوطة ولا راضية خالص علي الخطوة دي، ولا أنا أكيد ،واللي حصل ده حرام ومش من دينها... نقطة ومن أول السطر،من امبارح حاسس الناس إنهم ماسكين مفاتيح الجنة والنار في إيديهم،وعاملين محكمة وبيقولوا : مين هنا ومين هنا".
وتابع علاء جمال قائلًا : “مافيش مشكلة إن الناس تزعل عشانها وعليها ومنها، عشان بيحبوها،بس الطبيعي إنكم تدعولها ربنا يردّها ليه، مش تقعدوا تجرّحوا فيها،هي لو غلطت... وده حرام، وبرضه اللي انتو بتعملوه ده حرام ومش من الدين،هي انتكاسة بس... وسلمى قوية ومؤمنة وقريبة من ربنا، وإن شاء اللّٰه هترجع وأحسن من الأول ف ندعيلها ،كلنا ماشيين بستر الله، ومحدش فينا أحسن من حد، ولو الستر اترفع من علينا مش هنعرف نمشي نبص لبعض،وانا معاها وجمبها وربنا يقدرنا علي الابتلاء دا وترجع سلمي احسن من الاول كمان،من عاب ابتُلى، ادعولها ادعولها كتير”.
