بعلم مصر والزغروطة.. سما المصري تهنئ منتخب مصر بعد فوزه بمباراة أمس
خرجت الفنانة سما المصري بمقطع فيديو عبر حسابها الرسمي على موقع تبادل الصور والفيديوهات إنستجرام لتهنئ منتخب مصر بعد فوزه بمباراة أمس ضد منتخب زيمبابوي، وظهرت خلال مقطع الفيديو وهي مرتدية علم مصر وزغرطت خلال المقطع.
وقالت سما المصري في الفيديو: “أنا قولت لو مصر كسبت زيمبابوي هرقع زغروطة، والماتش كان إمبارح ومصر كسبت وأدي الزغروطة، مبروك”، وقد انهت الفيديو برفع علم مصر عاليًا.
أحمد العوضي هو الأعلى مشاهدة
في سياق منفصل، قد أثارت الفنانة سما المصري الجدل، بعد أن خرجت في مقطع فيديو عبر حسابها الرسمي على منصة تيك توك، لتؤكد تصريحات أحمد العوضي أنه رقم واحد في المشاهدات.
وقالت سما المصري في مقطع الفيديو: “أحمد العوضي في السنين اللي فاتت دي رقم واحد في المشاهدات زي ما طلع وقال في اللايف، في رمضان على القهاوي الناس بتبقى مشغلو أيه، مش العوضي يا جماعة، على اليوتيوب وفي البيوت، هاتولي نجم بطوله بيعمل مسلسلات دلوقتي وبيتشاف زي أحمد العوضي، الناس ليه دايمًا بتهرب من الحقيقة، وبتزيف الحقائق، وبتهاجموه ليه هو عمل أيه، كل ده عشان طلع في لايف قال أنا ربنا كرمني الحمد لله وبقيت رقم واحد في المشاهدات، طب ما دي حقيقة، حد يقولي مين في السنين اللي فاتت دي متشاف أكتر واحد في المسلسلات هو أحمد العوضي، أه دلوقتي هتقولوا تلاقيكي عايزة تمثلي معاه، لا أنا ولا عايزة أمثل ولا اتنيل، أنا خلاص ربنا كرمني بالحجاب خلاص واشوف أعمل بيزنس خاص ليا، أه هتقولوا تلاقيكي معجبة بيه، لا أنا لما اتسألت عليه عند نزار الفارس قولت أنا بحبه كممثل بس هو مش الأستايل بتاعي، أنا بتكلم في الحق، لأننا بقينا نحب نزيف الحقايق”.
ياسمين عبدالعزيز ساعدت العوضي لأنها حبيته
واستكملت سما المصري حديثها قائلة: “وبتقولوا أه ما أصل اللي وصلك واحدة، قصدكم مين يعني مراته ياسمين عبدالعزيز، ياسمين أنا اشتغلت معاها في الدادة دودي أجمل وأحسن وأنضف وأجدع الممثلات اللي أنا قابلتها في حياتي، هي حبيت الراجل واتجوزته، إيه المشكلة لما الست تساعد جوزها، هو كان قبل ياسمين ممثل بس مكنش بياخد أدوار بطولة، ولما حبيته طلع معاها بطولة على أساس أنه جوزها، إيه المشكلة لما تساعده، كم من ممثل ومخرج ومنتج ساعد مراته وساعد أخته، هي حطيته على أول الطريق وهو كمل، هو لو نجح عشان ياسمين اللي ساعدته مكنش عرف يكمل بعدها، كان وقع، تحبوا أقولكم أسماء فنانات طلعوا على حس أجوزاتهم، أو أبناء فنانين أه بيطلعوا في الأول على حسهم ومش عيب بس بعد كده بينجحوا لوحدهم، لكن اللي بيطلع على حس أهله وبيقع يبقي هو أصلا مش موجود”.
