"تووليت" يشكر جمهور قطر على حفلة أمس ويروج لحفلته بالقاهرة
شكر المطرب تووليت جمهور قطر على حفلته هناك الأمس، حيث نشر صورة له من الحفل عبر خاصية الأستوري بحسابه الرسمي على موقع تبادل الصور والفيديوهات إنستجرام، وعلق عليها قائلًا: “قطر شكرًا ليكم على الحفلة الحلوة دي، أنا أنبسطت أوي، واتمنى أشوفكم على خير”.
حفل تووليت بالقاهرة
وفي السياق ذاته، حرص المطرب تووليت على الترويج لحفله بالقاهرة، وذلك من خلال منشورًا عبر خاصية الأستوري على حسابه الرسمي بموقع تبادل الصور والفيديوهات إنستجرام، وقال معلقًا: “يوم الخميس الجاي أهم وأكتر حفلة متحمس ليها، حفلة القاهرة جاهزين؟”.
الموعد الجديد لحفل تووليت بالقاهرة بعد تأجيله
وكان قد كشف مطرب الراب تووليت، عن تأجيل حفله في الأرينا، الذي كان مقرر إقامته يوم 5 ديسمبر الجاري، وأعلن تووليت عبر حسابه الرسمي على موقع تبادل الصور والفيديوهات إنستجرام عن الموعد الجديد للحفل، حيث شارك بوستر الحفل، وكتب : "كنا مستنيين اللحظة اللي نتقابل فيها .. بس أوقات القدر بيختار توقيت تاني يكون أحسن لينا كلنا .. واثقين إن 25 ديسمبر هتكون حفلة للتاريخ و مش هتتنسي .. شكرًا على دعمكم الكبير دايمًا .. مستنيينكم".
تووليت يعلق على تأجيل حفله في الأرينا
وكان قد خرج مطرب الراب تووليت، خلال الأسبوع الماضي، للتعليق على تأجيل حفله في الأرينا بالقاهرة، وأكد تووليت في فيديو له عبر ستوري إنستجرام، أن الحفل تأجل بسبب ظروف خارجة عن إرادته لا يستطيع كشفها للجمهور.
وقال تووليت وقتها : "إزيكم أتمنى تكونوا بخير جميعًا .. أول حاجة حابب إن أنا أتأسف على تأجيل الحفلة .. بسبب ظروف خارجة عن إيدي وإرادتي تماماً .. وياريتني كنت أقدر أشارككم الظروف دي وأحكيلكم لكن الحمد لله على كل شئ".
وتابع : "صدقوني من أول ما عرفنا إن الحفلة مش هتتعمل حاولنا بأقصى جهد أنا وفريقي إننا نخلينا في ميعادها وتتعمل .. لكن ربنا مايسرش الأمور والحمد لله على كل شيء .. كل تأخيرة وفيها خيرة .. أنا عارف قد إيه الموضوع صعب ومش لذيذ .. على إن في ناس كانت مسافرة وناس كانت باذلة مجهود كبير أوي وناس مرتبة يومها علشان تشوفني".
وأضاف تووليت : "صدقوني الموضوع ده زيي زيكم كان نفسي إن أنا أشوفكم واحد واحد واتبسط بالحفلة .. بالذات إن الحفلة دي في بيتي في القاهرة مع أعز جمهور عندي .. لكن الحمد لله والحفلة ماتلغتش لكنها اتأجلت .. وإن شاء الله هتتعمل وهتبقى أحسن بكتير .. وأكيد ربنا مدبر يوم أحلى بكتير أوي لينا .. أشوفكم على خير إن شاء الله وأقولكم قريب على الميعاد الجديد .. وأتمنى لكم كل جديد يارب".
وأشار تووليت في ستوري أخرى عبر إنستجرام كذلك أنه يمكن استرجاع ثمن تذكرة الحفل أو الانتظار لتحديد موعد الحفل الجديد، حيث كتب: "وطبعاً للحابب يسترجع التذكرة و ياخد فلوسه بالكامل ده هيبقي متاح .. واللي لسا حابب يجي التذاكر هتفضل سارية لميعاد الحفلة الجديد".
