الشيف نادية السيد تدافع عن أحمد السقا بعد جدل فيديو دعمه لمحمد صلاح
دافعت الشيف نادية السيد، عن الفنان أحمد السقا بعدما أثار حالة من الجدل خلال الساعات الماضية بعد دعمه لنجم المنتخب المصري محمد صلاح، بعد أزمته الأخيرة مع نادي ليفربول.
وقال أحمد السقا بالفيديو الذي نشره عبر حسابه على انستجرام: "كابتن محمد صلاح تحياتي وسلامي ليك ولمصر، في مثل عندنا في مصر بيقول يا جبل ما يهزك ريح، ولو أنت مش عارف أنت عملت إيه خليني أفكرك، شوف أنت جبت كام بطولة لـ ليفربول، شوف أنت بالنسبة للأمة العربية كلها مش لمصر بس، أنت فخر العرب فعلاً، خلي ثقتك في نفسك تزيد مش تتهز".
الشيف نادية السيد تدافع عن أحمد السقا
وقالت الشيف نادية السيد خلال حسابها على “انستجرام”، "بمناسبه ترند فيديو الفنان أحمد السقا ودفاعه عن محمد صلاح في حاجة عاوزة اتكلم فيها بغض النظر عن الفيديو نفسه لاحظتها عندنا بخصوص اللغه الانجليزي واللهجه وبشوف فيديوهات كتير غريبه عجيبه
للاكسنت الانجليزي".
وتابعت: عاوزة احكيلكم واقع وقصه بسيطة بمناسبه اني عايشه في امريكا اول مسافرت كنت بتكسف اتكلم وبحس ديما ان الانجليزي عندي ضعيف مع اني خريجه كليه علوم قسم فيزياء ورياضيات وتخصص رياضيات بحته ودراستي كانت كلها بالانجليزي وبفهم كويس جدا جدا الا اني كنت بخاف اتكلم بسبب الانطباع ده .
واتعرفت علي جارة امريكيه عندها ٧٠ سنه وكنت بتكلم معاها وانا مكسوفه وبعكس م احنا فاهمين عرفت ان هما بيحبوا اللهجه بتاعتنا جدا وبيبقي في نظرة ابتسامه واعجاب بنطقنا ولما سالتها قالتلي اسلوبك .. لطيف وبالعكس بفهمك كويس .
لو سمعنا فيديو لحد امريكي بيتكلم عربي بيعجبنا كلامه وبنتبسط اوي انه بيتكلم وبيفهم لغتنا كويس .
الست دي قالتلي كلمه مهمه انتي بتعرفي تتكلمي لغتين انا مش بعرف غير لغه واحدة ف بلاش نقلل من نفسنا واتكلم براحتك
وأضافت: ارجع بقي لاحمد السقا الراجل حب يظهر تضامنه مع ابن بلدة وواضح انه بدون تحضير جدعنه يعني حب يتكلم يمكن صوته يوصل لصلاح نفسه ويحفزة يعني سيبنا كل حاجة ومسكنا في عقدتنا احنا عقدة اللغة.
