في زمن الـ Sweet Talkers بقى طبيعي جدا ودانا تتملي كلام حلو بس الحقيقة؟ الكلام ده ساعات بيكون شكله حلو من بره لكن جواه نوايا مش لطيفة.
مين Sweet Talkers؟
Sweet Talkers دول الناس اللي كلامهم حلو بس مصطنع مش لأن جواهم شعور حقيقي لكن عشان يوصلوا لهدفهم بيعرفوا يقولوا الكلمات الصح في الوقت الصح عشان قلبك يتحرك ودي طبعا الخطه .
كل كلامهم معسول كل جملة فيها مجاملة كل عبارة تخليكي تحسي إنك مختلفة ومميزة بيظهروا في أوقات مصلحتهم بس أول ما تيجي المواقف الحقيقية؟ يختفوا.
علامات Sweet Talkers :
-كلام حلو أكتر من أفعاله.
-بيظهر ويختفي على مزاجه.
-جمل محفوظة يقدر يستخدمها مع أي حد.
ليه الستات بتقع في Sweet Talkers؟
الستات بتقع مش لأنها ضعيفة ولا لأنها ناقصة خبرة لا ده طبيعي جدًا المشكلة إن Sweet Talkers بيعرفوا يلعبوا على قلب الست قبل عقلها الكلمة الحلوة بتدخل على قلبها بسرعة كلمه وحشتيني و حاسس بينا حاجة وأنا مرتاحلك كله كلام بيدخل علي القلب وبيلغي العقل .
باختصار الستات بتقع لأنهم بيصدقوا الكلمة اللي طالع منها احساس حتى لو كان مؤقت.
واللي بيحبك بجد؟ مش هيحتاج Sweet Talkers هيثبتلك بأفعاله وتصرفاته .
نصايح للبنات في زمن Sweet Talkers
شوفوا الأفعال الكلام عمره ما كان دليل اللي بيحب بيثبتلك.
لو بيختفي ويرجع اعرفي إنك جزء احتياطي
اللي شايفك مهمة مش هيختفي يومين ويرجع يقولك “وحشتيني”
ماتنبهريش بكلمه انتي مختلفة
الجملة دي محفوظة وممكن تتقال للسبعة اللي قبلك واللي بعدك شوفي هو بيعاملك إزاي مش كلامه معاكي ايه .
اسألي نفسك سؤال بسيط بس مهم لو أنا شلت الكلام الحلو ياتري هيفضل ايه ؟
لو الإجابة ولا حاجةيبقى انتي مع Sweet Talker مش مع راجل بجد .
ماتخافيش تخسري حد كان كل اللي بيعمله معاكي كلام وبس مافيش افعال
الخسارة الحقيقية إنك تفضلي مع حد بيستغلك باسم الرومانسيه .
وافتكري دايما ان مش كل كلام حلو حب ولا كل حب محتاج كلام حلو الأفعال والكلام بيكملوا بعض عشان يثبتلك في الآخر ان اختيارك كان صح من البدايه .
