لميس الحديدي تبكي على الهواء: "حقك مش هيروح يا يوسف"|فيديو

انهارت الإعلامية لميس الحديدي من البكاء على الهواء خلال برنامجها "الصورة"، أثناء متابعتها تفاصيل وفاة الطفل السباح يوسف محمد داخل حمام السباحة أثناء إحدى البطولات، وقالت: حقك مش هيضيع يا يوسف.. مش هنسكت، واللي حصل ده لازم يتحاسب عليه كل واحد قصر".

صوت أم تبكي وقضية تهز الرأي العام

وأشارت الحديدي إلى أنها تابعت شهادة والدة الطفل يوسف، وما فيها من تفاصيل موجعة، مؤكدة أن مشاهد الفيديو التي ظهرت كانت كافية لتهز أي قلب: "ده ابننا كلنا.. ووجع أمّه وجعنا".

وأكدت أن ما جرى لا يمكن اعتباره خطأً عابرًا أو مجرد سوء تنظيم: "اللي حصل ماينفعش يعدّي.. دي روح طفل اتسببت فيها سلسلة من الإهمال".

لميس: التحقيق ضرورة وليس خيارًا

وشددت على ضرورة فتح تحقيق شامل في الواقعة، بدءًا من لجنة التحكيم، المنقذين، المستشفى، والمسؤولين عن الإسعاف، قائلة: "كل واحد في سلسلة الإهمال دي لازم يتحاسب.. وده مش انتقام، ده عدل".

وأكدت أن الرأي العام كله يتابع القضية، وأن دور الإعلام هو كشف الحقائق وليس التشهير: "إحنا مش بنشوه حد.. إحنا عايزين نعرف الحق علشان مايتكررش".

 وأكدت لميس الحديدي عبارة "حق يوسف مش هيروح"، في رسالة واضحة لأسرة الطفل وللمتابعين.

وأضافت: "فيه أم كانت شايفة ابنها قدامها وبتسانده.. وفجأة بقت بتستلمه ميت. الوجع ده مش سهل".

واعتبرت أن إيقاف الإنعاش القلبي الرئوي، وعدم تركيب أنبوبة حنجرية، وتأخر التدخل الطبي، كلها تفاصيل لا يمكن تجاوزها: "في كل ثانية كان ممكن يبقى فيه أمل".

تعهد على الهواء

وقالت لميس: "أنا بوعدكم إن القضية دي هتفضل على الشاشة.. هنجيب كل طرف ونسأل، وهنفتح كل ورقة. يوسف غالي علينا كلنا".

واختتمت بكلمات مختنقة"الله يرحمه ويصبر أمه وأبوه.. بس حقه مش هيروح".