علياء بسيوني عن فوزها بجائزة أفضل مديرة أعمال: مكنتش عاوزة أروح

كشفت مصممة الأزياء علياء بسيوني عن تفاصيل حصولها على جائزة أفضل مديرة أعمال لزوجها المطرب أحمد سعد في حفل الميما ميوزيك أورد.

وقالت علياء بسيوني في لقائها مع ET بالعربي: “بدأت الشغل شهر فبراير، ولسه بفهم كل حاجة وبسأل في كل حاجة وبجتهد”.

وأضافت علياء بسيوني عن رد فعلها مع الإعلان عن فوزها بالجائزة، وقالت: “اتبسطت واتفاجئت وكنت رافضة أروح وقلت محتاجة إني اجتهد شوية كمان، ولكن لما لقيت تصويت قررت أروح”.

وعن عدم وجود زوجها أحمد سعد معها خلال التكريم قالت: “نفسي يكون معايا في كل الأوقات، لكن لأنه بعد الحادثة لسه تعبان شوية وأي وقت ينفع يريح فيه بيرتاح، خاصة أنه عنده التزمات في الحفلات”.

وأشارت علياء بسوني إلى أن الأغاني الخاصة بأحمد سعد تكون من اختياراته، ولكنها لديها رؤية وتقوم بتطوير بعض الأشياء.

أحمد سعد يهنئ زوجته بعد فوزها بجائزة أفضل مديرة أعمال

وقد وجه أحمد سعد رسالة لزوجته علياء بسيوني بعد فوزها بالجائزة وقال: “مبروك لولا جائزة احسن مديره أعمال، وأنا كمان بديها جائزة أحسن وأجدع وأشطر زوجه وأم - عن سنه 2025، وإن شاءالله العمر كله في نجاح”.

وكانت علياء بسيوني كشفت في لقاء سابق عن تطورات الحالة الصحية لزوجها بعد الحادث الذي كان قد تعرض له مؤخرًا، وقالت: “ أحمد لسه تعبان شوية ومحتاج راحة، ودي حاجة صعب تتم بسبب طبيعة شغله والالتزامات اللي عنده، وماشي بحزام، و بناخد بالنا على قد ما نقدر في حدود اللي قادر يعمله، ومكنتش موافقة إنه ينزل حفلات دلوقتي ولكن ده قراره، ومقدرش أمنعه لأنه بيحس أن ده التزام منه تجاه الجمهوره".