مراد مكرم يكشف سبب حبه للطعام: الموضوع بدأ معايا بعد إصابتي بالصفراء |فيديو
كشف الفنان مراد مكرم سبب حبه الشديد للأكل، مشيرًا إلى أن الموضوع بدأ معه منذ أن كان طفلًا، بعد إصابته بالصفراء، وروى قصة طريفة عن عشقه للطعام منذ الصغر.
وقال مراد مكرم خلال لقائه مع الإعلامية إنجي علي في برنامج أسرار النجوم: “في ابتدائي جالي الصفرا، وروحت رحلة للفيوم مع المدرسة ورجعت سخن وجالي الصفرا، قعدت شهر باكل حاجات مسكرة فقط، مربى، عصير قصب، ربسوس، فكنت بحلم بالمكرونة بشاميل والفراخ بانيه، وأمي وأبويا كانوا عند جيرانا وكانت راجعة جاية تجيب حاجة من المطبخ لقتني ماسك جبنة رومي في إيد وجبنة بيضة في إيد تانية، قالت لي إنت مجنون، وهنا بدأ معايا فكرة حب الأكل، كنت بحب اعشي نفسي بيض مقلي وأحط جبنة رومي أو بيضا واتخيل ان في بطني فيه اقزام عايشين وكل حد بحط له الأكل اللي بيحبه”.
مراد مكرم يكشف سبب نجاح ورد وشكولاتة
على جانب آخر، كشف مراد مكرم سر نجاح مسلسل ورد وشكولاتة بطولة محمد فراج وزينة، والذي شارك في بطولته، وعُرض مؤخرًا محققًا نجاحًا كبيرًا، من إخراج محمد جمال العدل، وتأليف محمد رجاء.
وقال مراد مكرم خلال لقائه مع إنجي علي، أن السبب يكمن في عاملين الأول، هو أن العمل مأخوذ عن قصة حقيقية، والثاني هو فريق العمل، موضحًا:"في رأي الشخصي المتواضع، نجاح المسلسل مبني على قصة حقيقية لأن جميع الأفلام والمسلسلات حول العالم اللي قدمت قصة حقيقية، بتكسب بالفعل جزء من الجمهور اللي عنده حب استطلاع انه يعرف إيه اللي حصل، الحاجة التانية فريق العمل كله على بعضه من أول شركة الإنتاج، ماندو، محمد فراج، زينة، مريم الخشت، صفاء الطوخي، وشركة إنتاج بروفيشنال بتوفرلك كل الإمكانيات اللي أنت محتاجها، مخرج عارف الصورة الأخيرة اللي عاوزها وترتبيب الأحداث، وتوفيق من عند ربنا فكل سبل النجاح متوفرة كان لازم ينجح".
