تامر حبيب يحذر من التطاول على منى زكي: كسبت 3 قضايا على أشخاص بتهمة السب
دافع السيناريست تامر حبيب عن الفنانة منى زكي بعد الانتقادات التي تعرضت لها مع طرح برومو فيلم الست الذي تجسد خلاله شخصية أم كلثوم، مشيرًا إلى أن الفيلم لاقى استسحان الجمهور خلال عرضه في مهرجان مراكش، وأن من حق الجميع ان يبدي رأيه ولكن دون تطاول أو تجاوز.
وكتب تامر حبيب عبر حسابه بموقع فيسبوك: “فيلم الست اتعرض في مهرجان مراكش السينمائي الدولي ولاقى استحسان وإعجاب منقطعي النظير والجمهور قعد يصقف وهو مبهور ومتأثر وشديد الإعجاب… وإن شاء الله هايعرض عرض تجاري في كل الدنيا بدءاً من يوم 10 ديسمبر… وساعتها اللي حابب يشوف الفيلم هايدخل يشوفه، واللي بعد ما يشوف الفيلم كله مش حتة منه ولا إعلان عنه هايبقي كون رأي في الفيلم و يا إما هايحبه أو احتمال مايحبوش وأكيد ليه مطلق الحرية في ده… ووارد جدًا إن اللي اتفرج ده يحب يقول رأية سواء حب الفيلم أو ماحبوش، من حقه يقول رأيه وانطباعه بكل أدب واحترام وبدون تطاول ولا سب ولا قلة تربية وسفالة”.
وأكد تامر حبيب على أنه من حق الفنان أو الفنانة ممن يتعرضوا للتطاول أن يقاضوا المتسبب في ذلك، كاتبًا: "واللي مش هايعرف يحترم نفسه لمجرد أنه شخص سافل أو مريض أو مزقوق أو لجان أو قذر وزبالة، هايبقى من حق النجم أو النجمة أو الفنان أو الفنانة اللي اتعرض للإهانة وشعر بأذى نفسي، أنه يرفع على الرمة التاني ده قضية ويسجنه وساعتها لسانه ده هايتشل جوة بقه وهايخاف السايب لا يتهان زي ما اتهان المربوط أو المسجون أو المتغرم مبلغ و قدره. والحكاية دي حصلت كتير قبل كده، وآخرهم ثلاث قضايا كسبتهم مني زكي على ثلاث سفلة قلوا أدبهم ، شاخدلي بالك مين ؟ النجمة الممثلة شديدة الموهبة والاحترام والأدب منى زكي، ست الستات
