كريم الحسيني يكشف لـ«نيوز رووم» تفاصيل أحدث أعماله المسرحي «النمر»
كشف الفنان كريم الحسيني لأول مرة عن تفاصيل مسرحيته الجديدة التي تحمل عنوان “النمر”، وذلك في تصريحات خاصة لـ موقع نيوز رووم.
وقال كريم الحسيني في تصريحاته: “مسرحية النمر على مسرح نجيب الريحاني، هيتم عرضها في شهر ديسمبر الجاري تأليف واشاعر أحمد أبو زيد، ألحان هاني بركات، توزيع أحمد إبراهيم الشهير بأيكوك، مسرحية مهمة جدا جدا بطولتي وإخراجي مع اطفال نيو موون أكاديمي موهوبين جدا”.
تفاصيل مسرحية النمر
أما عن تفاصيل مسرحية النمر، فقال كريم الحسيني في تصريحاته لـ موقع نيوز رووم: “مسرحية بتحكي عن التنمر، عشان كده سميناها النمر ليها اسقاط، بنقول فيها أن التنمر ممكن يشوه شخصية لو اتنمرنا على بعض واحنا صغيرين شخصياتنا هتتشوه لما نكبر، مؤثر جدا، هو عرض ميوزيكال بيضم حوالي 8 أغاني للاطفال، الاستعراضات لياسر يني وهو مخرج منفذ معايا في العرض”.
كريم الحسيني يشكر فريق العمل
واختتم كريم الحسيني تصريحاته قائلًا: “بشكر كل الناس اللي امنت بالعرض، بداية من دكتور ميرفت المشرف العام على نيو موون اكاديمي، بشكر الاطفال واولياء الامور والشاعر والموزع ومصمم الاستعراضات وكاست الاخراج والاطفال الشاطرين اللي من غيرهم العرض ده مكنش هيطلع للنور”.
عرض مسلسل كواليس
في سياق منفصل، قد أعلنت منصة تويست منذ أيام عن بدء عرض مسلسل كواليس عبر شاشتها بشكل حصري، ويعد مسلسل كواليس من بطولة كل من الفنان كريم الحسيني، والفنانة هيدي كرم، والفنانة ياسمين رحمي، الفنانة نورهان، الفنان صلاح الدالي، الفنان أحمد رفعت، الفنان عبد المنعم رياض، الفنانة لينا صوفيا بن حمان، ويعد المسلسل من تأليف رأفت رضا ومن إخراج محب وديع.
رسالة إلي أشرف زكي
على الجانب الآخر، قد وجه الفنان كريم الحسيني رسالة إلي الدكتور أشرف زكي عقب استقالته عن نقابة المهن التمثيلية، حيث نشر منشورًا عبر حسابه الرسمي على موقع تبادل الصور والفيديوهات إنستجرام، وقال: “من سنة بالظبط وفي نفس التوقيت ده .. حصل لي أكبر إنقلاب في حياتي .. ودخلت في كومة إكتئاب عظيمة وذبذبة وتشتيت .. وكان من أهم الناس اللي وقفت جنبي في المحنه دي .. حضرتك كنت داعم نفسي ونعم الأب .. وقولتلي جملة ساعتها عمري ما هنساها (إنك عايز تسيب المنصب وإنك تعبت من كُتر الضغوط) .. ساعتها إفتكرتك بتهون عليا .. أتاريك بقى لك كتيييير بتفكر في القرار ده .. طبعاً أنا مع قرار النقابة .. أرجوك لا تتنحي وأحنا مش موافقين .. بس فى الآخر أكيد القرار قرارك .. ولكن إحنا برضه من حقنا نرفض القرار ده .. لأنك ببساطة لو سبت النقابة .. تلفونك مش هيسكت برضه .. وهانجري عليك عشان تلحقنا وتخدمنا وتجيب لنا حقوقنا .. أنا بحبك وإنت عارف لأنك كنت نعم الأب والأخ ليا ولأولادي .. ومش هقول مواقفك معايا الكتير .. آخرهم تعب زوجتي اللي فات .. وحاجات بقى لها سنيييين .. أنا أتمنى إنك تتراجع عن موقفك يا دكتور لأن كلنا محتاجينك .. ملحوظة أنا بحب أول صوره دي أوى .. عشان حضرتك كنت عامل الريأكشن ده وانت بتتفرج عليا في المسرح .. بحبك يا دكتور .. أستاذي ونقيبي ودكتوري ومُعلمي وأفتخر”.
