أنت ليه لسه بتشتغل؟.. الإعلامي محمود سعد يكشف عن نيته في الاعتزال
كشف الإعلامي المصري محمود سعد ، عن أحد الأسئلة التي تشغل باله دائمًا ، وجاءت علي النحو التالي : "أنت ليه لسه بتشتغل ؟ وقال محمود سعد : دا السؤال اللي دايما بفكر فيه، حيث نشر فيديو من اللقاء علي الحساب الرسمي عبر موقع تبادل الصور والفيديوهات إنستجرام.
ورد محمود سعد علي سؤاله :"أنا كان عندي أفكار أساسية إن الواحد بييجي عند مرحلة معينة بيكن بعدها كنت أتمني يطول العمر وأعيش حواليك ، كنت أتمني لما أكبر أكون متفرغ لأمر أخر غيرالشغل ، غير الكاميرا وغير التصوير وغير الكتابة وكل دا ، كنت أحب ابقي في حالي وأعمل الحاجة اللي كنت بحبها وأنا صغير وإخلص ليها اكتر ، كنت هقول لنفسي لي دي رغبتك الحقيقية ، وهل انت صادق ولا أنت بتقول لنفسك كدا وبردو بتشتغل ، لدرجة إن الواحد ساعات مش بيكون فاهم نفسه ولا أي الحكاية؟؟
أمنية محمود سعد
تابع محمود سعد حديثه وهو يتحدث عن أمنيته ، حيث قال : “أنا نفسي جدا أتوقف عن كل حاجة وأعمل حاجة واحدة بحبها ، وهي مش مسألة الحلال والحرام ، والجنة والنار ، بس أنا بحب قعدة الجامع جدا ومن أجمل الحاجات التي تطربني هي صوت الأذان ، لذلك بكون حريص أي حتة أسكن فيها يكون قريب مني جامع عشان أسمع صوت الأذان ، وهي مش مسألة إني متدين بالعكس أنا بعمل أخطاء وبعمل كل حاجة بس أنا بحبه وإتربيت عليه من وأنا صغير لأن كان في جمب بيتنا زمان شيخ بيأذن في الجامع كأنه معايا جوا البيت”.
إستكمل محمود سعد : “طب لي مبعملش كدا ، جايز عشان ظروف المعيشة ولكن السؤال دا دايما بسأله لنفسي ، طب هل أنا بحب الكاميرا ، لا ، طب هل أنا بحب أطلع في التليفزيون ، لا ، يبقيهو أنا بكذب علي نفسي ، لا أنا صادق مع نفسي ،هل حد من المشاهدين عنده نفس الافكار دي ؟
ختم الإعلامي محمود سعد حديثه قائلًا : “اللي يعرفني كويس يعرف إني معنديش أي متطلعات طبقية ، مثلا معنديش الرغبة أركب مركب او أتعشي برة أو أسافر أنا الحمدلله مقتدر بس أنا مش عايز كدا”.
محمود سعد يتحدث عن تدخينه السجائر
في سياق أخر ، تحدث سعد في فيديو له عبر موقع تبادل الصور والفيديوهات إنستجرام : “أنا بدخن عادي .. لكن بكون حريص إن السيجارة متبانش لما بتصور .. لأنها عادة مرفوضة وفعل حقير وغبي”.
وتابع محمود سعد : "فلما بعمل حاجة غلط لازم أخبيها .. لأن ده ابتلاء .. وكل ما اتكسف منه هبطله".
لقاء محمود سعد مع سميرة أحمد
وفي سياق منفصل ، كان قد شارك الإعلامي الكبير محمود سعد، متابعيه عبر صفحته الرسمية على فيسبوك، عددًا من الصور، التي احتوت على كواليس تصويره حلقة مع الفنانة الكبيرة سميرة أحمد، ببرنامجه باب الخلق
من حارة أصلان لنادي الجزيرة
وعلق سعد على الصور : "من حارة أصلان لنادي الجزيرة .. أسعدتني وشرفتني الفنانة الكبيرة سميرة أحمد .. بتصوير حلقة خاصة ومختلفة جدًا من باب الخلق".
القبض على سارق هاتف حارس منزل ابنة محمود سعد
وفي سياق آخر، كان قد أعلن الإعلامي محمود سعد مؤخرًا، عن القبض على سارق هاتف حارس منزل ابنته في الشيخ زايد، موجها الشكر لرجال المباحث على سرعة التحرك وتتبع المتهم من خلال كاميرات المراقبة المنتشرة في المنطقة.
