شكرًا أنك فكرت تفرحني..أول تعليق من جهاد أحمد بعد رجوعها لعصام صاصا
أعربت البلوجر جهاد أحمد عن سعادتها الكبيرة بعودتها مجددًا لزوجها مطرب المهرجانات عصام صاصا، وذلك من خلال منشورًا عبر حسابها الرسمي على موقع تبادل الصور والفيديوهات إنستجرام، التي روت من خلاله تفاصيل عودتهما.
عودة جهاد أحمد إلي زوجها عصام صاصا
وقالت جهاد أحمد معلقة: “أنا مش عارفة اكتب اي ولا أقول اي. غير ان بجد كان بقالي كتير مفرحتش كده وفرحت ان كل الناس اللي بحبها جت وفرحوني، والمفاجأة حلوة اوووي، وشكرا ليك يا عصام اووي انك رغم كل الفترة اللي كلها مشاكل بينا فكرت انك تفرحني ربنا يخليك ليا ويخليك لي ابنك، وشكرا تاني ليكو كلكو، وعمري ما هنسي اليوم دا”.
طلاق جهاد أحمد وعصام صاصا
وقد أعلنت جهاد أحمد طلاقها من عصام صاصا، حيث كتبت في منشور عبر خاصية القصص القصيرة بموقع تبادل الصور والفيديوهات إنستجرام:" الحمد لله على كل شيء، تم الانفصال بيني وبين أبو رحيم".
بينما كتب عصام صاصا عبر حسابه بموقع تبادل الصور والفيديوهات إنستجرام من خلال خاصية الاستوري: “حابب أتكلم في نقطة بسيطة بس عشان بعض كلام الناس بيضيقني، يعلم ربنا إني مشفتش أي حاجة في حياتي وحشة من الست دي ومشفتش منها غير كل خير، وعمرها ماكانت غلطانة في حقي لا بالعكس عشان بس محدش يظلمها وربنا يصلح حال الجميع ويسترها على كل الناس”.
جهاد أحمد تثير الجدل
وقد أثارت البلوجر جهاد أحمد الجدل بمنشور غامض قبل ساعات من إعلان طلاقها من مطرب المهرجانات عصام صاصا، حيث كشفت فيه أنها عانت كثيرًا وكانت تتحمل، وهو ما يشير أن طلاقها من مطرب المهرجانات جاء بعد فترة من الخلافات الكبيرة بينهما.
لما اتقفل من شخص بمسحه من حياتي
وكتبت جهاد أحمد عبر حسابها بموقع إنستجرام: “طيب نقطة عشان أقفل أي باب لكلام وإشاعات، أنا شخصيتي كده وهتفضل كده.. أنا ممكن أتعامل مع شخص وهو فيه عيوب الدنيا وما يفرقليش هو وحش ولا حلو بس لما بقفل منه بيتشطب من حياتي ومش بيرجع تاني.. من الآخر بيبقي هوا بالنسبة لي عيني مش بتشوفه مهما كانت غلاوته كبيرة عندي. اتقفلت منه يعني أتمسح من حياتي.. دي أنا ودا اللي يريحني أنا فمحدش يضايقوا حاجة أنا مختارها في حياتي أنا”.
