محمد إمام يكشف تفاصيل حريق لوكيشن مسلسله الكينج: اختبار صعب
في أول تعليق له، كشف الفنان محمد إمام، تفاصيل حريق لوكيشن تصوير مسلسله الكينج الذي اندلع صباح اليوم.
قدر الله وما شاء فعل
وكتب محمد إمام عبر حسابه بموفع فيسبوك: “قدر الله وما شاء فعل… والحمد لله على كل شئ .. حريق كبير في لوكيشن تصوير مسلسل الكينج في ستوديو مصر .. منطقة كاملة معمولة على أعلى مستوى .. إنتاج ضخم من المنتج الكبير عبد الله أبو الفتوح .. وإبداع من مهندس الديكور تامر اسماعيل ومجهود كبير من أشطر المهندسين والعمال”.
الحمد لله فوق كل ده إن الإصابات كانت خفيفة
وأضاف محمد إمام: “بس ربنا أراد اللي حصل… والحمد لله فوق كل ده إن الإصابات كانت خفيفة وكل فريق العمل بخير .. شكر كبير لوزارة الداخلية وقوات الدفاع المدني على مجهودهم وسط الحريق الضخم و كميات خشب ومواد سريعة الاشتعال .. وشكر خاص للمنتج محمد السيد و فريقه وحوش الإنتاج… اللي دخلوا جوه النار حرفيًا علشان يحاولوا ينقذوا أجهزة ومعدات و ملابس .. ناس بتحب شغلها بجد وبتضحي بنفسها عشانه”.
ربنا يديم المحبة ويحفظ الجميع
وتابع محمد إمام: "أخيراً.. شكر من كل قلبي لكل الناس والنجوم اللي كلموني واطمّنوا عليّ وعلى فريق العمل … ربنا يديم المحبة ويحفظ الجميع
اللي حصل اختبار صعب في وقت صعب .. بس ثقتنا في الله كبيره و إن شاء الله مكملين دعواتكم لينا و لكل فريق عمل مسلسل الكينج ستنونا في رمضان٢٠٢٦ إن شاء الله".
