خالد الصاوي: كنت بعيط بحرقة وأقول أنا ليه يا رب مش موهوب في التمثيل |فيديو
كشف الفنان خالد الصاوي أنه عانى كثيرًا حتى أثبت نفسه كممثل، فرغم أنه بدأ تمثيل منذ أن كان في العشرينات من عمره إلا أنه أول مرة يرى أنه ممثل جيد وهو بعمر 40.
وقال خالد الصاوي خلال لقائه مع الإعلامية إنجي علي في برنامج أسرار النجوم: “في وقت من الأوقات كنت بقول أنا ليه يا ربي بحب التمثيل والتمثيل مش بيحبني؟ أنا ليه مش موهوب في التمثيل زي ما أنا موهوب في الكتابة والإخراج؟..أنا كنت باخد جوائز في الكتابة والإخراج في المسرح وأنا الجامعة، ولما بدأت أطمح أني أقدم نفسي للسوق كان بيتعرض عليا أدوار صغيرة أوي، ومرات يتقالي كويس ومرات كتير يتقالي أنت أوفر ومش أوي وكنت فعلا كده، وده خدت مني وقت، ولكنه خدمني وخلاني عندي تواضع”.
كنت بعيط بحرقة وأقول أنا ليه بحب التمثيل وهو ناطرني من دماغه
وأضاف خالد الصاوي: “أول مرة أقول الظاهر إني ممثل كويس وأنا عندي 43 سنة من أول ما عملت مسرحية اللعب في الدماغ لأنها حققت نجاح كبير على مسرح الهناجر وكنت المؤلف والمخرج وبعد كده عمارة يعقوبيان، من 40 لـ 43 بدأت أثق إني ممثل كويس قبل كده لأ، وقبلها كنت بعيط بحرقة وأقول أنا ليه بحب التمثيل وهو ناطرني من دماغه وبعدها اتعلمت إن الثقة مطلوبة لكن برضه لازم تشك في نفسك شوية".
اتغريت وخدت على دماغي من الأقدار
وتابع:"ولما بعد كده جالي ثقة زيادة عن اللازم اتغريت وخدت على دماغي من الأقدار لأن حاجة اتقالت من أرباب الحكمة القدماء سقراط قال الفضيلة وسط بين رذيلتين لا تبقى مغرور ولا تشكك في نفسك”.
