منى زكي لم تُوفق.. فيلم الست يواجه انتقادات كثيرة بعد طرح البرومو
حالة من الجدل أثيرت فور طرح برومو فيلم الست بطولة النجمة منى زكي والتي تجسد خلاله السيرة الذاتية لكوكب الشرق أم كلثوم.
مع طرح البرومو، خرجت كثير من الآراء التي تنتقد منى زكي من حيث المكياج والظهور، حيث رأوا أنها لا تشبه أم كلثوم وأن الدور لا يليق عليها، بل وسخر كثيرون من مظهرها.
منى زكي ظهرت خلال البرومو وهي تجسد شخصية أم كلثوم على مدار مراحل عمرها المختلفة من الطفولة حتى الِكبر، لكن كثيرون توقفوا عند مظهرها ووصفوا أنه مبالغ فيه.
ورغم الكثير من الآراء المنتقدة، إلا أن البعض أيضًا دافع عن الفيلم ورأوا أنه لا يجب أن نُصدر أحكام مبدئية قبل طرحه، والبعض الآخر كان محايد فرأى أن هناك تحفظ على مظهر منى زكي ولكن يبدو أن الفيلم سيكون مميز وقوي.
رأى طارق عزت أن تقديم عمل عن السيرة الذاتية لـ أم كلثوم يُعد مجازفة حقيقية: “بمناسبة فيلم الست.... لو ينفع أقول رأيي .. مروان حامد مخرج كبير أوي وأنا يعتبر من جمهوره اللي تقريبا ما فوتلوش فيلم من أول لي لي .. لحد كيرا والجن .. يعني متأكد أنه هايعمل فيلم قوي جدا على مستوي الصورة والتقنيات الفنية بس المشكلة اللي أنا مشفق عليه منها أن صابرين عملت مسلسل أم كلثوم ونجح جدا لدرجة أن فردوس عبد الحميد لما عملت فيلم أم كلثوم بعده سقط سقوط شنيع ... فيلم السير الذاتية في مصر مش ناجح الوحيد اللي نجح فيه بامتياز كان احمد ذكي لقدرته علي تقديم الشخصية بمصداقية شديدة مع وضع لمسته الفنيه .. طبعا رفعت الجمال ماحدش شافه عشان نقدر نقرر ان محمود عبد العزيز نجح في تجسيد شخصيته لانهي درجة وكذلك أحمد الهوان لعادل الامام .. رأيي الشخصي أن أفلام السير الذاتية هتكون ناجحة جدا لو اتعملت وثائقية واحنا شطار في صناعتها.. بس برضه أنا ضد الحكم على الفيلم من قبل ما نشوفه عشان نقدنا ليه يبقي موضوعي ... (مع العلم إني مش من عشاق مني زكي)”.
رأت دعاء الدسوقي أن الفيلم من خلال البرومو يبدو قوي ومميز إلا أن الدور لا يليق على منى زكي: "تريلر فيلم "الست" لمروان حامد شكله حلو قوي… ويبدو إنه هيكون فيلم حلو… لكن وبكل الأسف الوحيدة اللي مش لايق عليها الدور هي منى زكي.. برغم إعجابى الخاص بمنى زكي وأداءها في الكام سنة اللي فاتوا وإني بعتبرها من أهم الممثلات المصريات اللي اشتغلوا على نفسهم كويس قوي .. إلا إن الإصرار على إنها تقوم بدور أم كلثوم مش مفهوم ومش منطقي!.. وده ظهر جدًا في اللقطات القصيرة اللي في التريلر …. فالسؤال هنا بيطرح نفسه بشدة: ليه العند؟!! .. وليه الإصرار على لوي دراع الحكاية علشان تركب على ممثل معين هو مش مناسب ليها؟!!… وليه منى زكى بالذات يا عم مروان؟!
ورأى أحمد فاروق أنه من غير الجيد أن يكشف صناع العمل عن المراحل العمرية التي جسدتها منى زكي خلال البرومو وكان من الأفضل أن يكون هناك غموضًا،:"أخطأ صناع فيلم الست إنهم أظهروا صور لمنى زكي في كل مراحل أم كلثوم في أول برومو.. كان أفضل من وجهة نظري، تفضل شخصية غامضة وغير مكشوفة في البرومو لحد ما الناس تتفرج على الفيلم كاملا وتحبه أو ترفضه.. الوقت الحالي كان محتاج برومو يتبني على الشخصيات اللي حواليها بحيث الجمهور يعرف ضيوف الشرف فيتحمس، ويفضل عنده فضول يدخل الفيلم علشان يشوف منى زكي عملت أم كلثوم إزاي؟
وأضاف: "بقول كدا، مش علشان دي هتكون دعاية حلوة، لكن علشان تحمي الفيلم ومنى زكي من حالة التربص، وشهوة الانتقاد والسخرية اللي مش هترحمها قبل المشاهدة واللي كانت متوقعة لأنها بدأت بالفعل من لحظة التعاقد، رغم إن الشكل مش فيصل خالص في وصول منى زكي للمشاهد أو فشلها. لكن على كل الحال، أتمنى الجدل السلبي اللي حصل يكون سبب في الإقبال على الفيلم ونجاحه تجاريا مش العكس، حتى لو هيكون عند المشاهدين ملاحظات.. في النهاية الست فيلم كبير ومتعوب فيه ونتمنى نجاحه، علشان يكون سبب في مشاريع تانية كبيرة تتعمل بنفس المستوى الانتاجي.
كثيرون أيضًا قارنوا بين صابرين ومنى زكي، حيث رأوا أن صابرين نجحت في تجسد شخصية كوكب الشرق في مسلسل أم كلثوم لأنها ظهرت تشبه أم كلثوم شكلا وصوتا، حيث جاءت بعض التعليقات كالآتي: “أم كلثوم كان وجهها مليان مثل ما قامت بدوره صابرين لكن هنا إيه ده بجد”، “لا مش لايق عليها الدور بصراحة أفضل واحدة قامت للدور صابرين”، “مبدئيا الفيلم معظم الجمهور رافض أنها تعمل شخصية أم كلثوم لعدم تناسب الحجم والشكل والإمكانيات وهذا سيؤثر بالسلب على مصداقية أادائها ثانيا ستكون هناك مقارنة مع المسلسل الذي قدمته المخرجة إنعام محمد علي، بطولة صابرين التي أجادت الدور وكان الدور لابس شكلها وجسمها ومناسب لهذه الشخصية”.
بينما أشاد حسن الشواف ببرومو الفيلم، وكتب: "مبسوط ومتفاجئ بشكل كبير من إعلان فيلم " الست " عن حياة ام كلثوم مبسوط لأن الإعلان بيوعدنا أننا قدام فيلم تقيل، وإن ليه اسلوب مميز ومتفاجئ إن الفيلم هينزل كمان اسبوعين بس يوم ١٠ ديسمبر، وأنه من كتابة احمد مراد وإخراج مروان حامد، معلومات مكنتش اعرفها عن الفيلم بس حمستني ليه أكتر وفيه نجوم كتير مشاركين فيه بشكل يدل أنه شيء الكل حب يشارك فيه مش مجرد مجاملات وواضح أنه هيعرض حياة أم كلثوم من بداية حياتها الفنية زي ما باين مراحل مختلفة من حياتها، وواضح أنه هيبروز جدا حفلة باريس في مسرح " الأولمبيا" اللي كانت بعد النكسة للمجهود الحربي وتوصيل الصورة المصرية عن الحرب في الغرب".
