في كل علاقة اوقات بتحسي إن الشخص اللي قدامك بارد.
تحسي إن كلامه أقل تواصله ضعيف واهتمامه مش زي الأول.
ساعتها طبيعي تسألي نفسك السؤال الطبيعي هو فعلاً برود ولا هي ضغوط حياه ؟
الفرق ده مهم جدًا لأنه بيحدد تصرفك وقرارك.
إزاي تعرفي الفرق بين البرود العاطفي وضغوط الحياة؟
-البرود العاطفي ثابت لو فعلاً الشخص بارد هتلاقي تصرفاته وسلوكه كلها باردة ومستمرة.
-البرود مش يوم كده ويوم كده هو موجود طول الوقت ومش بيختفي.
-الضغوط مؤقتة ومتغيرة
الشخص المضغوط ممكن يكون يوم مهتم ويوم تاني هادي أو بعيد ده مش معناه إنه بارد ده معناه إنه في ضغط نفسي أومسئوليات واخدة كل تركيزه
البرود يقلل مشاعره بوضوح
لو برود حقيقي هتحسي إنه مش مهتم ومفيش اهتمام واضح أو حب محسوس.
الضغط بيأثر على الوقت والطاقة بس
الشخص المضغوط ممكن يكون مهتم بس دماغه مشغولة ومش قادر يعطي نفس التركيز مش معناه إنه بارد عاطفيا.
لو الإحساس بيتغير حسب الظروف والمود غالبا ده ضغط أو إرهاق.
نصايح للطرفين
لو إنتي اللي حاسة بالبرود منه:
-ركزي على أفعاله وسلوكه مش على كلامه أوإحساسك المؤقت.
-لو البرود مستمر لازم تواجهيه بصراحة.
-ماتحمليش نفسك اللوم لو مش إنتي السبب.
-اتصرفي بحذر وبهدوء وخدي قرارك بعد ما تشوفي الحقيقة بوضوح.
لو هو مضغوط بجد:
_اديله مساحة من غير ما تضيع نفسك.
-اسأليه إيه محتاج منك الفترة دي.
_ساعديه يخف الضغط بدل ما تزودي عليه.
_افهمي الفرق بين الانشغال الحقيقي وبين البرود.
لو إنتي مضغوطة:
_اعرفي إن الضغط ممكن يخليكي تحسي بحاجات مش موجودة أصلاً.
_ماتاخديش قرارات سريعة.
_خدي وقتك وراقبي الموقف بعد فترة قصيرة.
-اتكلمي بصراحة بدل ما تتوتري لوحدك.
في النهايه …
البرود العاطفي بيبعدك ويقلل الاهتمام والمشاعر.
ضغوط الحياة بتبعد الشخص نفسه بس مش بتبعد مشاعره.
اللي بارد هيفضل كده واللي مضغوط هيرجع طبيعي.
الفرق واضح ولو عرفتي تحدديه هتقدري تاخدي قراراتك من غير خوف أو شك.
