وصول مؤدي المهرجانات إسلام كابونجا للتحقيق معه في نقابة الموسيقيين
وصل منذ قليل، مؤدي المهرجانات، إسلام كابونجا، إلى مقر نقابة المهن الموسيقية، وذلك من أجل التحقيق معه على خلفية قرار إيقافه الصادر مؤخرًا.
وصول إسلام كابونجا لمقر نقابة الموسيقيين للتحقيق معه
وظهر إسلام كابونجا أثناء دخوله النقابة مرتديًا كمامة ومتأثرًا بسبب إيقافه عن الغناء، وقال قبل دخوله للتحقيق : “ربنا كبير .. ادعوا لي”.
تعليق إسلام كابونجا على قرار منعه من الغناء
وكان قد خرج كابونجا عن صمته، منذ ساعات قليلة، عندما تحدث في بث مباشر، عبر صفحته الرسمية على فيسبوك، عن أزمة منعه من الغناء.
أي حاجة تصدر من النقابة على دماغي
وقال إسلام كابونجا : “عايزكم في موضوع كده بالنسبالي حياة أو موت، طبعا كلنا شوفنا الخبر اللي نزل أن أنا اتوقفت، أي حاجة تصدر من النقابة على دماغي، بس اقسم بالله العظيم وهحلف على المصحف وغلاوة بنتي الأغاني دي قديمة”.
الأغاني دي قديمة
وتابع : “وفي ناس أخواتي ياما اتسألوا هل تؤيد القبض على إسلام كابونجا، وناس مني وناس بتسمعني وناس بحبها كاتبين نعم نؤيد، أي حد يؤيد فوق دماغي، بس الأغاني دي قديمة، وحسبي الله ونعم الوكيل في أي حد بينزلي فيديوهات قديمة عشان يرازيني في أكل عيشي، ورزق بنتي”.
وواصل كابونجا : "أنا عندي تحقيق كمان شوية عادي أي حاجة تصدر في التحقيق فوق رأسي، أنا غلطان ، بس والله الأغاني دي قديمة، الناس اللي بتسمعني هتعرف القديم من الجديد، الأغاني من الصيف اللي قبل اللي فات”.
بكاء إسلام كابونجا بعد قرار منعه من الغناء
واختتم إسلام كابونجا حديثه باكيًا، وقال : “عموما الناس اللي عايزاني اتوقف أنا اسف ليكم لو أنا سمعتكم حاجة مش عجباكم، الحاجات دي قديمة واتحسبت عليها خلاص، الناس اللي شايفاني وحش متعاملوش معايا وبيحكموا عليا من بعيد، في ناس ياما رزقها هيتقطع بس أنا كفيل بيهم طول فترة وقفي، وأيف لو سمعتكم حاجة وحشة بس أنا اتغيرت وناس كتير سمعتكم حكاجات وحشة واتغيرت”.
