كمال أبو رية: الست اللي تخطف قلبي تكون هادية ومش بترغي ولا نكدية|فيديو
فتح الفنان كمال أبو رية قلبه، وتحدث عن بعض الأمور الشخصية، ومنها عما إذا كان يفكر في الزواج مجددًا بعد انفصاله عن زوجته الفنانة ماجدة زكي منذ عام 2014.
وقال كمال أبو رية خلال لقائه في برنامج كلمة أخيرة على قناة ON مع الإعلامي أحمد سالم: “مش بفكر في الجواز وعندي ما يشغلني عن فكرة الزواج، وأنا بحب أفكر وأتحرك وبسافر وبلعب رياضة وعندي علاقات مع أصدقاء وصديقات وشبعت من العلاقات العاطفية”.
وعن السيدة التي من الممكن أن تخطف قلبه قال: الست اللي تخطف قلبي تكون هادية ومش بترغي كتير ومش نكدية ومبتسمة وبتفكر كويس وبتخاف عليا، مشيرًا إلى أن آخر قصة حب عاشها كانت منذ 10 سنوات.
وكشف كمال أبو رية اللايف استايل الخاص به قائلًا: “أنا باكل أكل صحي وبمشي وبلعب رياضة ومش بشرب خمور، وزمان وأنا شاب صغير دلوقتي مشش بشرب خالص، وبحب أركب عربيات".
وانتقد كمال أبو رية الأعمال التي تعرض الجانب السيء من المجتمع قائلًا: احنا مجتمع عربي ودورنا كفنانين نصلح أحوال الناس لكن ما نعرضش عيوب الناس ونفضح الناس ونسيء لأسلوب حياتهم، المفروض نشوف عايشين إزاي وإزاي العيشة تكون أفضل وده عتابي على المؤلفين اللي بيعرضوا عيوب المجتمع بشكل فج وواضح، ودي مش مهمة الدراما، مهمة الدراما تقدم ليهم الحياة كما يجب أن تكون، وفيه أعمال بتقول للناس خليكم وحشين".
وأشار كمال أبو رية أنه تعلم من جيل العمالقة الذي تعاون معهم مثل محمود ياسين وعزت العلايلي ونور الشريف وعادل إمام وغيرهم، حيث قال :اتعلمت من جيل العمالقة من قبل أن التقي بيهم، ومفتقدهم جدا، ومحمود ياسين بالنسبة لي حاجة غريبة من كتر حلاوته تقول ايه الممثل العظيم ده، ولما بيكون بينه وبيني مشهد يقولهم خمس دقايق اقرأ علشان أركز مع العفريت ده، وعن التعاون مع الزعيم عادل إمام قال: ممتع وله بريق غير عادي.
