نصب وخساير مادية ووفاة شقيقته.. مدحت تيخا يكشف معاناته في عام 2025
كشف الفنان مدحت تيخا عن معاناته خلال عام 2025 من أحداث سيئة تعرض لها، بداية من وفاة شقيقته ومن ثم تعرضه للنصب.
وكتب مدحت تيخا عبر حسابه بموقع فيسبوك: “سنة 2025 كانت صعبة عليا جداااا لأبعد حد حصلت لي حاجات عمري ماكنت أتخيلها بداية من وفاة أختي وحبيبة قلبي اللي معنديش غيرها.. ثم. خساير مادية ونصب في مبالغ كبيرة من ناس كانوا عاملين نفسهم حبايبي وصحابي وأحداث كتيرة سيئة والحمد لله طبعا”.
وأضاف مدحت تيخا: “لكن استفدت من كل ده واتعلمت أن في شدتك مش هيقف جنبك حد غير ربنا عشان كده خليك مع ربنا ومهما اتأذيت من الناس رب الناس القادر علي كل شيء شايف ومطلع وهينصرك مهما طال الوقت يا رب مليش غيرك انصرني واهديني الي صراطك المستقيم”.
وكتب له الفنان كريم الحسني: “ربنا يعوض عليك يا حبيبي ويسعد قلبك ويجبر بخاطرك ويسعدك ويراضيك ياربد وتعيش وتفتكر وتعديلها بالرحمة والمغفرة يارب يا حبيبي”.
وكتب له محمد سعيد: “صدقني وعن تجارب . كله بيعدي . وبيخلص المهم انك تفضل واقف . متماسك . بفضل الله وعونه”.
وكتب له عبد الله الخطيب: “المسالة بالدور انت في 2025 وغيرك في بقية السنوات المهم انك اتعلمت محدش بيوقف مع حد ولا في حد بيسد عن حد في حد ذاته ده تعليم”.
آخر أعمال مدحت تيخا
وجدير بالذكر أن آخر أعمال الفنان مدخت تيخا مشاركته في مسلسل سيد الناس بطولة الفنان عمرو سعد، بمشاركة عدد كبير من الفنانين، وعرض في الموسم الرمضاني الماضي.
