أديب ينتقد فساد الانتخابات: الناس قبضت 200 و300 و400 جنيه !
قال الإعلامي عمرو أديب، الناس اللي فتحت الصندوق الساعة 8، ده جديد لانج، ليه الناس كان عندها إحساس إن الانتخابات دي فيها مشاكل، الناس اتصورت وهي بتقبض الـ 200 والـ 300 والـ 400 جنيه.
هل دي انتخابات تشرفك؟
وأضاف خلال تقديمه برنامج الحكاية، والمذاع عبر قناة إم بي سي مصر، هل دي انتخابات تشرفك، اللي عمله الرئيس بيقول كده، أنا إيه مصلحتي، أنا مصلحتي أجي بالليل أقولك كلنا عظماء، والدنيا تمام.
قال الإعلامي عمرو أديب، ألغوها بالكامل، وتوكلوا على الله، النهاردة اللي قاعدين في مؤتمر الهيئة الوطنية للانتخابات، مكنوش صحفيين، كانوا مرشحين، وأنا كنت قاعد أقول لا لا لا، بسبب الشكاوى اللي كانوا بيقولوها.
عمرو أديب: نفسي يكون عندنا مجلس
وأضاف:" نفسي يكون عندنا مجلس، عايز يكون الفرق بين المؤيدين والمعارضة يكون 50 60 70، عايز فرق كبير.
وتابع:" التاريخ يكتب، لغاية الآن الناس بتتحدث عن انتخابات 2010، أنت ليه عايز تعمل في نفسك كده، أنت محتاج تزور ليه؟ أنت لو عايز تعمل انتخابات وخلاص، قولي هم دول وخلاص، الانتخابات فيها مشكلة أين أنتم كنتوا فين، كلنا متفقين إن الرئيس عنده حق، إذن لماذا الاستمرار، الغيها.
الناس في الشارع مش راضية
واستطرد:" الناس في الشارع مش راضية، اوعى تقولي المواطن المصري هو بتاع امبارح، السقف علي، دلوقتي الناس بتقول الرئيس قال، الرئيس يلفت النظر
ووجه الإعلامي عمرو أديب، رسالة للهيئة الوطنية للانتخابات، قائلًا:" إلغوها بالكامل يرحمكم الله، عندنا شك كبير في الانتخابات، اسأل أي مواطن في مصر، كان الشك، همهمات، وجاء رئيس الجمهورية وقال يقين، وقال هناك تجاوز وهناك عوار، الذي تأتي إليه التقارير من جهات مختلفة.
وتابع:"لأول مرة ف تاريخ مصر يتصدى الرئيس ويقول هناك تجاوزات في الانتخابات، رئيس الجمهورية لا سلطة له على هذه الهيئة الوطنية المحترمة.
ومن جانبه، كشف المستشار أحمد بنداري، مدير الجهاز التنفيذي للهيئة الوطنية للانتخابات، عن أبرز العيوب الجوهرية التي قد تستدعي إعادة الانتخابات في المرحلة الأولى، وذلك خلال مداخلة هاتفية مع الإعلامية لميس الحديدي في برنامجها "الصورة" على قناة النهار.
