نص مليار دولار.. عمرو أديب: تنظيم الإخوان المجرم اختلس تبرعات الناس في غزة
قال الإعلامي عمرو أديب إن تنظيم الاخوان المجرم اختلس تبرعات الناس لقطاع غزة اللي مش لاقية تاكل وتشرب، سرقوا نص مليار دولار، مال اليتامى، كل شوية بتطلع حقائق عن سفالة تنظيم الإخوان وحقاراتهم، ولما تحصل مشكلة صغيرة في أي دولة عربية، تلاقيهم طلعوا بكل إمكانياتهم، يقولوا إلحق.
لماذا تصمتون يا بتوع الحق؟
وأضاف أديب خلال تقديمه برنامج الحكاية، والمذاع عبر قناة إم بي سي مصر:"فلوس الغلابة والمساكين، ولماذا تصمتون يا بتوع الحق؟ أين أنتم؟ طبعا أنت مش هتفتح بقك، علشان أنت سارق معاهم، كانوا بيأكلوا معاهم من المال الحرام، المال الحرام أهو، أنا كان نفسي اشتغل في الإخوان دي ناس بتأكل الشهد، حرامية بيأكلوا مال الغلابة.
وعلى صعيد آخر علق عمرو أديب على حديث مدير وكالة الاستخبارات الأمريكية جون بيرنان أو ما يُعرف بـ"CIA" السابق، بِشأن أنه شرب الحشيش، مضيفًا:"ملاحظتك على مصر أنا مش واخدها لايت، إحنا مستاءين منها، شغلانة العميل دي شغلانة ليها مرتبات، وليها ناس، ومن اعلى الراوتب ومن أكتر التسهيلات الموجودة في العالم، هذا الأمر بيتم استخدامه، عادي، وكثر استخدامه خلال السنتين اللي فاتوا".
المصريين متضايقين جدا إحنا بتوع الحشيش؟؟
وأضاف، خلال تقديمه برنامج الحكاية، والمذاع عبر قناة إم بي سي مصر أن "المصريين متضايقين جدا، إحنا بتوع الحشيش؟؟ في الوقت اللي إحنا فاتحين فيه المتحف، ما افتكرتش منه غير الحشيش، أكتر حاجة افتكرها عن مصر أنه كان بيحشش، وأنا شخصيًا كمواطن مصري معجبنيش الملاحظة، إنك تفتكر عن مصر الحشيش، الحشيش موجود في كل حتة في العالم".
تعمد الإساءة لمصر
وتابع: "هو قال إنه كان بيشرب الحشيش في مصر في سجاير أو على الشيشة، وأرى أنه تعمد الإساءة لمصر ويجب عليه الاعتذار، ولو حابين نكبر الموضوع، نطلب منه الاعتذار".
جاء ذلك كتعليق على إقرار مدير وكالة الاستخبارات الأمريكية الأسبق جون بيرنان بأنه كان يقوم بتدخين الحشيش داخل "شيشة" في القاهرة، ما أثار تفاعلا واسعا بين نشطاء على مواقع التواصل الاجتماعي.
