شقيق زوج سيدة حلوان: عايزة تكسب تعاطف الناس وخدعته وخدعتنا كلنا

منذ أيام وتتداول منصات التواصل الاجتماعي مقطع فيديو صادمًا ظهرت فيه سيدة مصرية تُدعى مريم عماد وهي تستغيث بعد اقتحام زوجها وعدد من أفراد أسرته الشقة التي تقيم فيها بحكم قضائي يمنحها حق التمكين.

ولكن خلال الساعات القليلة الماضية، ظهر “هشام علي” شقيق زوجها في فيديو عبر صفحته على “فيسبوك”، ليؤكد أن ما نُشر عنهم من خلال مريم، غير صحيح.

وقال شقيق الزوج: “إحنا اتشهر بينا ظلم من مرات أخويا السابقة، هي اللي شوهت سمعتنا قدام الناس، خدعته وخدعتنا كلنا”، مضيفًا، "بتدعي إنها مظلومة وعايزة تكسب تعاطف الناس مع إنها كانت واقفة قدامنا بتصور وتفتح لايف، ولو إحنا ناس مؤذية زي ما بتقول، هل كنا هنسمح بده أصلاً؟".

وتابع، “بأنها افتعلت إصابات عشان تتهمنا، والحقيقة إنها هي اللي ضربت أمي وزوجة أخويا التاني بالأقلام، ومحدش لمسها، وكله متسجل بالفيديوهات، وهيروح للنيابة”.

وأكمل، “لو كنا دافعنا عن ستاتنا وضربناها، أنا شايف إن دي رجولة، بس والله العظيم ما حصل، وكل اللي حصل ظلم واضح اتعرضنا له”.

وأكد: “اكتشفنا بعد 6 شهور بس إنها واخدة تمكين من 3 سنين، وجوزها مسافر وشقيان في السعودية، ومع ذلك ما راعتش حتى البنت اللي عايشة بينهم ولا ظروفها”.

واختتم هشام، “رفعت قضايا على أخويا في السعودية بخصوص نفقة سابقة، وحلفت قسم زور قدّام القاضي هناك، وكل ده عملته مؤخرًا لأنها طمعانة في أخويا اللي شغال في السعودية، وعايزة تاخد منه 24 ألف ريال، أما الإصابات اللي ظهرت بيها فهي مفتعلة، وبتعور إيديها في الترابيزة عشان تقول إن إحنا اللي عورناها.