الأمانة في التعامل مهمة أوي.. هيدي كرم تثير الجدل بفيديو جديد
أثارت الفنانة هيدي كرم الجدل مرة جديدة من خلال مقطع فيديو لها عبر حسابها الرسمي على موقع تبادل الصور والفيديوهات إنستجرام.
استياء هيدي كرم من عدم الأمانة
وأعربت هيدي كرم في هذا المقطع عن استياءها من عدم الأمانة في التعاملات البشرية، حيث قالت: “كلنا عارفين اننا كستات بنحب نقلد بعض، بنحب نتفرج على بعض، بنحب نشوف لابسين ايه وعاملين ايه، عشان لو في حاجة عجبانا نجيب زيها أو كده، وده مش عيب علفكرة، لازم نكون ملهمين لبعض، لكن عندي مشكلة في حاجة، لما مبقى قاعدين في خروجة وواحدة فينا قامت راحت الحمام بنلاقي أن كتير مننا قاعدين عالترابيزة بيتفرج عليها من فوق لتحت وهي رايحة الحمام من ضهرها، ليه؟، أنا كنت بعمل كده علفكرة، وممكن متكنش نظرة وحشة أو نظرة شريرة، أنا متأكدة أن معطمنا بتكون نواياه حسنة، بس ليه مبصش عليها وهي قاعدة قدامي أو جاية عليا، واهزر معاها واقلدها واقولها أنا عايزة اجيب زيك، ليه لازم أبص نظرة خبيثة، لأنها نظرة مافيهاش أمانة لأن فيها اختلاس، ليه مكنش أمينة حتى في النظرة، وأبص في عين اللي قدامي وأقوله أن شكله حلو، ليه اتفرج وابص في السر من غير ما اقول”.
الرقي والأمانة في التعامل
واستكملت هيدي كرم حديثها قائلة: “أنا وعيت لنفسي وركزت وقولتلها أنتي كبيرة أنتي مش صغيرة على الكلام ده، وأنتي صادقة وصريحة وواضحة، أو أننا مثلا نتكلم عن صاحبتنا التالتة مش من باب النم لكن من باب أننا بنقيم موقف وبنحلل رد فعل ده في تهيؤاتنا طبعا، لا دي نميمة لو طلبت رأيك قوليلها في وشها، لو مطلبتهوش حطي لسانك جوا بوقك واسكتي، لما عقلنا بياخد باله من كل ده بنبقى اصدق كتير، وعندنا أمانة كتير، ونضاف من جوا كتير، والرقي في الاخلاق والأمانة في المعاملة دي حاجة مهمة أوي أوي، اسقوا شجرة الخير اللي جواكم وحاجات كتير هتتغير للأحسن”.
تجاهل هيدي كرم لأنباء ارتباطها بأحمد تيمور
في سياق منفصل، قد تجاهلت الفنانة هيدي كرم ما تداوله المتابعون بشأن علاقة سابقة تجمعها بإخصائي التغذية أحمد تيمور زوج الفنانة مي عز الدين.
ونشرت هيدي كرم صورة لها وهي تتناول وجبة سريعة عبر حسابها على موقع "إنستجرام" معلقة عليها:" إلى كل جمهوري الحبيب انتظروني بكرة فى فيديو جديد ومهم جدا عشان اقولكم ازاى بهتم ببشرتي".
