سعد الصغير يناشد بمساعدة أسرة إسماعيل الليثي: إحنا كلامنجية وبنعيط بس

كشف المطرب سعد الصغير كواليس وفاة المطرب الشعبي إسماعيل الليثي، ومواقف إنسانية له، مشيرًا إلى أن السيارة التي كان يستقلها الراحل قبل الحادث لم تكن ملكه.

وأوضح سعد الصغير خلال مداخلة هاتفية ببرنامج كلمة أخيرة على قناة ON: “مكانتش عربيته كان هيشتيرها من حد، وبعض المواقع كتبت إننا بنلم فلوس علشان نجمع حقها، لكن ده مش صح، ومش بنلم فلوس وصاحب العربية كلمني وهو مش مصري وقال لي يا سعد اللي عاوزين تدفعوه ادفعوه، ولو مش عاوزين تدفعوا مش مشكلة”.

كما ناشد سعد الصغير زملائه المطربين بمساعدة أسرة إسماعيل الليثي، وقال:"بعد أحمد عامر قالوا هنعمل ونسوي ومحدش عمل حاجة وبيتكلموا بس وخلاص، وأنا كنت بقترح نعمل جروب ونلم مساعدات، وفيه ناس تقول هل هو محتاج، لكن إحنا في الفلاحين كده لو لمينا مبلغ على الأقل نسد تمن العربية ويبقى عملنا معاه حاجة، لأن أحمد عامر محدش عمله حاجة ولا حد دفع جنيه لأسرته، إحنا كلامنجية وبنعيط فقط".

وأضاف سعد الصغير: “أنا عامل برنامج على قدي ناشدت المطربين لمساعدة العرايس كل واحد يجيب تلاجة وغسالة كأنهم مسمعوش حاجة”.

كما كشف المطرب سعد الصغير كواليس تعرض شقيق إسماعيل الليثي لأزمة صحية بعد علمه بوفاة شقيقه، حيث طالب بالدعاء له: شقيق إسماعيل الليثي في المستشفى ومحضرش الجنازة والدفنة، وقع من طوله وجاله جلطة وربنا يشفيه".

سعد الصغير يكشف مواقف إنسانية لـ إسماعيل الليثي قبل وفاته 

وكشف عن مواقف للمطرب الراحل وقال: “الوحيد اللي كان بيشتغل للعرايس ببلاش وكل إمبابة تشهد وأنا أقرب واحد له، وعمل أفراح لعرايس أيتام بعدد شعر راسه يا رب تكون من حده ونصيه”.

وأكد أن إسماعيل الليثي كان لا ينزعج من سرقة أغانيه، قائلًا: “كان بيقول ربنا يكرمه، هو يشتغل بيها وأنا هشتغل بيها”.

كما وجه المطرب سعد الصغير رسالة للإعلامي أحمد سالم خلال مداخلة هاتفية في برنامج كلمة أخيرة على قناة ON.

وقال سعد الصغير للإعلامي أحمد سالم: “قبل أي حاجة أنا بشكر حضرتك، لأنك يتكامل فيك كل حاجة، وكان نفسي أكلمك من زمان وأنت من الإعلاميين اللي ما أخافش أجيلك.. أنت مشرف لأي إعلامي”.