مفيدة شيحة توجه رسالة لجمهورها: "الحلم حقك.. خليك وراه لآخر لحظة"
وجهت الإعلامية مفيدة شيحة رسالة ملهمة إلى جمهورها خلال حلقة جديدة من برنامجها “الستات”المذاع عبر قناة النهار شددت فيها على أهمية التمسك بالأحلام ومواصلة السعي لتحقيقها رغم ما قد يواجهه الإنسان من صعوبات.
وقالت مفيدة شيحة في حديثها للجمهور: "ما تستسلموش، اجروا ورا حلمكم، وماتخلوش حد يكسركم. الحلم حق كل واحد فينا، والنجاح دايما بيبدأ بخطوة صغيرة بس مليانة إصرار."
وأكدت أن طريق النجاح لا يكون مفروشًا بالورود، لكنه طريق يحتاج إلى صبر وإيمان بالنفس، مشيرة إلى أن أغلب قصص النجاح الكبيرة بدأت من لا شيء، لكنها وصلت لما وصلت إليه بفضل الإصرار والعزيمة.
وأضافت: "الإيمان بالحلم هو أول مفاتيح النجاح، واللي فعلا عنده حلم حقيقي، لازم يحارب عشانه، لأن الحلم مش رفاهية.. ده حق، وكل تعب النهارده هيتحول يوما ما لفرحة حقيقية."
وفي وقت سابق وجهت الإعلامية مفيدة شيحة رسالة قوية لكل من انتقد حفل افتتاح المتحف المصري الكبير، مؤكدة أن ما شهدته مصر أمس لم يكن مجرد احتفال رسمي، بل هو مشهد حضاري يجسد عظمة التاريخ المصري وقدرة أبنائه على الإبهار من جديد.
مشهد بحجم الحضارة المصرية
وقالت مفيدة شيحة خلال برنامجها “الستات ” المذاع عبر قناة النهار، إن الحدث كان على مستوى يليق بعظمة مصر وحضارتها الممتدة عبر آلاف السنين، وأضافت: "اللي حصل ده مش مجرد افتتاح، ده مشهد بحجم الحضارة المصرية، وكل مصري لازم يكون فخور باللي شافه."
فخر واحتفاء عالمي
وأشارت إلى أن الافتتاح حظي بتفاعل واسع داخل مصر وخارجها، وأوضحت أن كل الصحف العالمية تحدثت عن الحدث، بينما تصدر هاشتاج المتحف المصري الكبير قوائم الترند على منصات التواصل الاجتماعي.
وأضافت: "أنا فخورة بالعظمة اللي قدمناها وبكل حد اشتغل على الحفل، الصورة كانت مشرفة ومُبهرة للعالم كله."
تحذير من فخ الكارهين
وتابعت: "بلاش تبقوا زي البعدة، وماتقعوش في فخ الناس اللي مش بيحبوا البلد... دي لحظة فخر لكل مصري، مش وقت للنقد ولا التقليل."
افتتاح يفتح أبواب الزمن
واختتمت حديثها مؤكدة أن ما جرى في المتحف المصري الكبير هو احتفاء بالإنسان المصري القديم والمعاصر معا، قائلة: "اللي حصل مش مجرد افتتاح متحف... دي لحظة فخر حقيقية، بتفتح أبواب الزمن وبتخلينا نسأل نفس السؤال اللي بيحيّر العالم: إزاي المصريين القدامى قدروا يبنوا كل ده بالجمال والإبداع ده؟"
