عمرو أديب ساخرا: مبروك للأهلي من دلوقتي الدوري والكونفيدرالية
علق الإعلامي عمرو أديب، على مباراة القمة، قائلًا:"جمهور الأهلي جمهور محظوظ، ده نادي بيكسب علطول، فأنت فرحان علطول، أما جمهور قلبي يقطر دمًا مش بيكسب علطول، ده نادي دولة، مش نادي بتاع عمرو ولا حسين لبيب، مبروك من دلوقتي الدوري، والكونفيدرالية، كله مبروك.
واستطرد خلال تقديمه برنامج الحكاية، والمذاع عبر قناة أم بي سي مصر:"يا جماعة، كام واحد داخل الماتش النهاردة وعنده احتمال الزمالك يكسب، أنا بس اللي كنت متوقع أن الزمالك هيكسب، وأنا بس اللي كنت مهتم بالجلابية، المباراة النهاردة لا تقيس أن الأهلي كان متفوقا هي تقيس ان الزمالك كان غلبان.
10 مهاجمين وحارس
وتابع: ده مش ماتش عادل، إحنا النهاردة كنا بنلاعب 10 مهاجمين وجون، وبره 5 مهاجمين، وكنا بنلاعب 10 لاعيبة والجون والـ 4 اللي بره، والحكم والمعلق، إيه العنف ده، إحنا اضربنا ضرب النهاردة، الواد البرازيلي اضرب ضرب، مفيش كورة ، إلا واضرب فيها.
وأضاف:"يا جماعة طلعوا الزمالك مني، مش أنا اللي اطلع مني الزمالك، الكابتن زيزو حبيبي، الاهلي دافع فيه كام، إحنا لا قبل لنا بهذا، الأهلي لازم يكسب، لازم يكون عنده أحسن لاعيبة، سمعتوا في مباراة ليفربول والسيتي، المعلق بيقول يا أجمد لاعب في السيتي.
وتابع:"أهني النادي الأهلي على فوزه بكأس السوبر المصري، وحابب اقول للنادي الزمالك، أنت مش بتلاعب حد عادي، في خلل في ساحة كرة القدم المصري، إجنا بنلاعب مش بيشتري غير مهاجمين، بقالها سنة بيشتروا مهاجمين فيها 10 مهاجمين وجون.
فوز الأهلي بالسوبر المصري
توج الفريق الأول للنادي الأهلي لكرة القدم بكأس السوبر المصري اليوم بعد الفوز على الزمالك بهدفين نظيفين على أرض الإمارات، ليحرز الأهلي اللقب للمرة الخامسة على التوالي والسادسة عشرة في تاريخه، ليصل بهذا التتويج عدد بطولات الفريق إلى الرقم 156 في مختلف البطولات، محلية وعربية وإفريقية وعالمية.
وتأتي بطولات الأهلي على النحو التالي: - فاز ببطولة دوري أبطال إفريقيا 12 مرة - فاز ببطولة إفريقيا للأندية أبطال الكئوس 4 مرات - فاز بكأس الكونفيدرالية مرة واحدة - فاز بالكأس الأفرو آسيوية مرة واحدة - فاز بكأس السوبر الإفريقي 8 مرات - فاز بكأس إفريقيا وآسيا وأوقيانوسيا مرة واحدة - فاز بالبطولة العربية لأبطال الدوري مرة واحدة - فاز بالبطولة العربية لأبطال الكئوس مرة واحدة - فاز بكأس النخبة العربية مرتين - فاز ببطولة الدوري العام 45 مرة - فاز ببطولة كأس مصر 39 مرة - فاز ببطولة كأس السلطان حسين 7 مرات - فاز بدوري القاهرة 16 مرة.
