ياسمين عز: «الحتة اللي طالعة زي ديل الكتكوت دي تقصيف.. ومفيش بروتين هيعالجها»

تحدثت الإعلامية ياسمين عز خلال حلقة برنامجها "كلام الناس" المذاع عبر قناة MBC مصر عن مشكلة تقصف الشعر التي تعاني منها كثير من السيدات، موضحة أن الحل الوحيد للتقصف هو قص الأطراف التالفة.

وقالت عز: "لما تعملي شعرك ديل حصان أو ضفيرة وتلاقي الأطراف عاملة زي ديل الفار أو الريشة اللي كنا بنكتب بيها زمان، ده تقصيف، ومفيش حاجة اسمها هعالجه أو هحط عليه فازلين أو بروتين، ده هيزيد الطين بلة، الحل القص فقط".

وأضافت: "لازم نفرق بين التقصف والهيشان، لأن كل واحدة ليها سبب وحل مختلف"، مؤكدة أن الوعي بنوع مشكلة الشعر هو أول خطوة للعلاج الصحيح.

وأثارت الإعلامية ياسمين عز جدلا جديدا خلال حلقتها من برنامجها "كلام الناس" المذاع على قناة MBC مصر، بعد أن قدّمت وصفة طريفة وغير تقليدية لعلاج مشكلة الشعر الهايش لدى السيدات.

وقالت ياسمين عز، بأسلوبها الساخر المعهود: "شعرك هايش؟ الحل بسيط! وانتي واقفة بتحمري البطاطس، خدي حبة من الزيت وامسحي بيها على شعرك، وبعدين خليه يتمليس من إيد جوزك ثلاث مرات في اليوم، وتكون إيده مش مغسولة."

وأضافت : "ده علاج ممتد مدى الحياة، تمليسه من إيد جوزك من قدام لورا، ولو شعرك مبقاش زبدة يبقى أنا مش ياسمين عز!"

وأشارت أيضًا إلى أن لمسة الزوج "بحنية" قادرة على إنبات شعر جديد وحتى تحسين شكل الحواجب، مؤكدة أن "شحم إيده أحسن من 100 زيت لوز حلو".

وفي نفس السياق،علقت الإعلامية ياسمين عز في برنامجها «كلام الناس» على قناة MBC مصر، على الأجواء الفرعونية المصاحبة لافتتاح المتحف المصري الكبير، قائلة: «بمناسبة الأجواء الفرعونية اللي إحنا فيها.. قومي حنطي جوزك يا مدام، مفيش أحسن من الوقت ده عشان تحنطي حتة الآثار اللي عندك».

ياسمين عز: حنطي جوزك

وأضافت ياسمين عز: «شوية شاش وملح وخل ونطرة زعفران وأسمنت، وانثري عليهم شوية تراب هيديكي نفس لون الآثار، وقعديه على كرسي في نص الصالون، وانتي بتحنطيه متنسيش تكتمي بوقه بقماشة شاش ممزوجة بليمون وخل، وده بوقه اللي مكنش بيقولك بيه ولا كلمة حلوة».

واستكملت الإعلامية حديثها: «وتيجي الأجيال اللي بعدك يتفرجوا على جوزك المتحنط، ويبقى دخل ليكي وانتي وولادك، هو أحمس أحسن من جوزك في إيه؟ واحد اتجوز كليوباترا، وجوزك اتجوز كيلوبامية، بس هي مش بالوزن.. هي بالتق