حاول الإمساك بها.. الأمن يفحص فيديو تعرض فتاة للتحرش في وضح النهار

تفحص الأجهزة الأمنية بوزارة الداخلية، مقطع فيديو متداول عبر منصات الواصل الإجتماعي،  يظهرمحاولة تحرش أحد الأشخاص بفتاة وسط الشارع في وضح النهار.

الأمن يفحص فيديو التحرش بفتاة 

وتداول رواد موقع التواصل الإجتماعي فيسبوك يظهر خلال محاولة تحرش أحد الأشخاص بفتاة وسط الشارع في وضح النهار، مما تسبب لها في حالة من الزعر، حيث يظهر الفيديو محاولة الشاب التعرض للفتاة أكثر من مرة، وملاحقتها بعد محاولتها الهروب منه. 

تحرش شخص بفتاة في وضح النهار 

وقالت منى عبدالوهات: صديقة عمري بنت محترمة جداً بتشتغل من ١٦ سنة في شركة جوة Nile Towers زي ما باين في الڤيديو لابسة بالطو طويل لحد الأرض و خارجة من شغلها الساعة ١٢ الضهر، فيجي شخص سكران خارج من مكان في نفس المبنى بيفتح الساعة ٤ الصبح و يقفل الساعة ١ الضهر و يقوم الأستاذ متهجم عليها و ماسكها من جسمها بالمنظر دا.

وأضافت: هي بذلت مجهود كبير جدا من الصبح علشان تعرف إن الفحل الي في الڤيديو و الصورة هو ظابط كويتي، مش قادرة تحصل من المكان الي كان نازل منه على معلومات أكتر من كدا علشان حتى تعمل محضر! الفكرة بقى إن أحد أفراد شرطة السياحة لما شاف الڤيديو قالها ماحدش هيعملك حاجة "كنتي لازم تسيبيه يمسكك وقت أطول" علشان تعرفي تثبتي عليه الي حصل!!!

وأكملت: احنا لو شفنا فحل مصري بيتصرف كدا مع سيدة في الشارع مش هنسكت، دا واحد متحامي في كونه كويتي و ظابط ماشي بكأس الخمرة في الشارع و بيتجرأ بالمنظر دا على فتاة مصرية أمام مقر عملها في عز الضهر!!! انتوا ازاي ممكن تبقوا متطمنين على بناتكم و زوجاتكم و أخواتكم البنات!!! ازاي فرد من الشرطة بيقولها كدا بدل ما يساعدها تاخد حقها؟؟.