دنيا عبد العزيز: بنتي نسخة مني.. وبتفكرني بأمي اللي محدش يقدر يعوضها

قالت الفنانة دنيا عبد العزيز إنها تعشق أجواء الاحتفال بعيد الميلاد، معتبرة أنه يوم مميز يحمل طاقة حب وبهجة، خاصة بعدما احتفلت مؤخرًا بعيد ميلاد ابنتها «جودي» التي أتمت عامها الأول، مؤكدة أن ابنتها ووالدتها هما أغلى ما تملك في الحياة، قائلة: «ماحدش يقدر يعوض أمي، وبنتي أغلى حاجة في دنياي، وكل لحظة بعيشها دلوقتي كنت بتمنى أمي تعيشها معايا، وأنا راضية بقضاء ربنا».

مشاعر الوجع دي بتاعتي

وأضافت عبدالعزيز، خلال لقائها عبر برنامج «ست ستات» المذاع على شاشة قناة DMC، أنها ما زالت متعلقة بوالدتها الراحلة، موضحة: «ده اختيار ربنا، ومشاعر الوجع دي بتاعتي ومبحبش أتكلم عنها، أنا مفتقداها طول الوقت، وبنتي نسخة مني ودي نعمة كبيرة من ربنا».

وتابعت دنيا عبد العزيز: «في حيطة في البيت عليها صور لماما، وبشوف بنتي جودي بتبوس الصور فبعيط، هي وأبويا علموني أحب الناس وأساعد أي حد محتاج».

دنيا عبد العزيز: بكيت يوم كتب كتابي لغياب أمي.. وزواجي علّمني الاستقرار

كشفت الفنانة دنيا عبد العزيز عن تأثرها الشديد في يوم عقد قرانها، مؤكدة أنها بكت كثيرًا لغياب والدتها عن هذا اليوم المميز في حياتها، قائلة: « يوم كتب الكتاب كنت متأثرة جدًا وبعيط لأن أمي مكنتش معايا، وطول الوقت بفكر فيها، وده مش سهل عليا خالص».

اختيار مدينة نويبع للزفاف 

وأضافت دنيا عبد العزيز، خلال لقائها في برنامج "ست ستات" المذاع على قناة DMC، أنها اختارت مدينة نويبع لإقامة حفل زفافها وقضاء عدة أيام هناك، موضحة: «اخترت نويبع علشان فيها سحر غريب، الناس هناك مش عايزة تمشي، والمكان كله على البحر وجميل جدًا».

وأوضحت الفنانة دنيا عبد العزيز أن عقد القران اقتصر على العائلة والأقارب، بينما أقامت الاحتفال الأكبر مع الأصدقاء في اليوم التالي، قائلة: «بعد كتب الكتاب دخلت تصوير مسلسل كان بيتعرض في رمضان، وبعد العيد عملنا الفرح في نويبع».

تأثير الزواج على حياتها

أما عن تأثير الزواج على حياتها، فقالت دنيا عبد العزيز إنها أصبحت أكثر استقرارًا ونضجًا، مضيفة مازحة: «الجواز بيخلي الواحد مستقر، وعملت حاجات مكنتش أتخيل أعملها، عملت مكرونة بالبشاميل ودي حاجة تاريخية بالنسبالي».

وقالت دنيا عبد العزيز: «جوزي مش سي السيد، متفهم جدًا، وبيشجعني وبيقف في ضهري، وباخد رأيه في شغلي وحاجات كتير، وهو كمان صاحبي قبل أي حاجة».